I ASAPULO 2 - Embimbiliya - Bíblia Sagrada em Umbundu

¹ Omãla va Isareli vava: Ruvene la Simeone la Levi la Yuda la Isakare la Sevulono,

² la Dani la Yosefe la Benjamini la Nafitali la Gadi kuenda Asiere.

³ Omãla va Yuda vava: Ere la Onane la Sela. Katatu kavo vo citilua lomõla a Siuwa, u Kanana. Ere, uveli wa Yuda, ondingaĩvi kovaso a Yehova, leye wa wipa.

⁴ Tamare, ndatembo ya Yuda, wo citila Pereci la Sera. Omãla vosi va Yuda va kala vatãlo.

⁵ Omãla va Pereci, Heseroni la Hamuli.

⁶ Omãla va Sera vava: Simiri la Etana la Hemana la Kalikole kuenda Dara. Vosi yavo va kala vatãlo.

⁷ Omãla va Karimi, Akara, una wa sakalaisa va Isareli eci a linga ekandu lovina via siñaliwa.

⁸ Omãla va Etana, Asariya.

⁹ Omãla va citilua Heseroni vava: Yerahimele la Ramu la Keluvai.

¹⁰ Ramu wa cita Aminadava. Aminadava wa cita Nasone, ombuale yomãla va Yuda.

¹¹ Nasone wa cita Salima. Salima wa cita Boasi.

¹² Boasi wa cita Ovede. Ovede wa cita Jese.

¹³ Jese wa cita uveli waye Eliava, omõlaye wavali Avinadave, watatu Simea,

¹⁴ wakuãla Netanele, watãlo Radai,

¹⁵ wepandu Oceme, wepanduvali Daviti.

¹⁶ Vamukãi vavo, Ceruya la Avigaile. Omãla va Ceruya vatatu, Avisiai la Yoava, la Asahele.

¹⁷ Avigaile wa cita Amasa. Isia ya Amasa, Yetere, u Isameli.

¹⁸ Kalembe omõla a Heseroni wa cita omãla la Asuva, ukãi waye, kuenda la Yeriote. Omãla vaye vava: Yesere la Siovava la Aridone.

¹⁹ Asuva wa fa kuenje Kalembe wa tambula Efirata, yu wo citila Huru.

²⁰ Huru wa cita Uri. Uri wa cita Becalele.

²¹ Noke Heseroni wa litokeka lomõla a Makiri, isia ya Gileada. Wa tela akuĩ epandu kanyamo eci o kuela. Kuenje wo citila Seguvi.

²² Seguvi wa cita Yairi, una wa kala lovaimbo akuĩ atatu vofeka ya Gileada.

²³ Puãi va Gesiuri la va Suria va va punda ovaimbo a Yairi, kumue la Kenata lovaimbo alio, ndokuti akuĩ epandu kovaimbo. Ava vosi omãla va Makiri, isia ya Gileada.

²⁴ Kovaso yokufa kua Heseroni ko Kalembe Efirata, oco Aviya, ukãi wa Heseroni, o citila Asihuru, sekulu ya Tekoa.

²⁵ Omãla va Yerahimele, uveli wa Heseroni, vava: Ramu uveli waco, la Bunda la Orene la Oceme la Ahiya.

²⁶ Yerahimele wa kala handi lukãi ukuavo, onduko yaye Atara, haeye ina ya Onami.

²⁷ Omãla va Ramu, uveli wa Yerahimele, vava: Maaci la Yamini la Ekere.

²⁸ Omãla va Onami, Siamai la Yada. Omãla va Siamãi, Nadava la Avisiura.

²⁹ Onduko yukãi wa Avisiura, Avihayili, haeye wa cita Ahibane la Molide.

³⁰ Omãla va Nadava, Selede la Apayimi. Puãi Selede wa fa, ka citile omãla.

³¹ Omãla va Apayimi, Yisi. Omãla va Yisi, Sesane. Omãla va Sesane, Ahilai.

³² Omãla va Yada, manja a Siamai vava: Yetere la Yonatão. Yetere wa fa, ka citile omãla.

³³ Omãla va Yonatão, Pelete la Sasa. Ava ovo omãla va Yerahimele.

³⁴ Sesane ka kaile lomãla valume, te omãla vakãi lika. Sesane wa kala puãi lukuenje, u Egito, onduko yaye Yariha.

³⁵ Kuenje Sesane wa eca omolaye ukãi ku Yariha, ukuenje waye, ha lingi ukãi waye. Yu wa cita Atayi.

³⁶ Atayi wa cita Natana. Natana wa cita Savada.

³⁷ Savada wa cita Efilala. Efilala wa cita Ovede.

³⁸ Ovede wa cita Yehu. Yehu wa cita Asariya.

³⁹ Asariya wa cita Helece. Helece wa cita Eleasa.

⁴⁰ Eleasa wa cita Sisamai. Sisamai wa cita Sialume.

⁴¹ Sialume wa cita Yekaniya. Yekamiya wa cita Elisiama.

⁴² Omãla va Kalembe, manja a Yerahimele, vava: Mesia uveli waye, haeye sekulu ya Sife; kuenda omãla va Maresia, sekulu ya Hevirone.

⁴³ Omãla va Hevirone, vava: Kora la Tapuha la Rekeme la Sema.

⁴⁴ Sema wa cita Rahama, sekulu ya Yorikoma. Rekeme wa cita Siamai.

⁴⁵ Omõla a Siamai, eye Maona, haeye sekulu ya Bete Cure.

⁴⁶ Efa, ukama wa Kalembe, wa cita Harana la Mosa la Gasese. Harana wa cita Gasese.

⁴⁷ Omãla va Yadai, vava: Regeme la Yotama la Gesana la Pelete la Efa kuenda Siaafe.

⁴⁸ Maaka, ukama wa Kalembe, wacita Severe la Tirihana.

⁴⁹ Wa citavo Siaafe, sekulu ya Madimana, kuenda Sieva, sekulu ya Givea. Kalembe wa kala lomõla ukãi, Akisa.

⁵⁰ Ava ovo omãla va Kalembe. Omãla va Huru, uveli wa Efirata, vava: Siovale, sekulu ya Kiriyata Yeari,

⁵¹ kuenda Salima, sekulu ya Beteleme, la Harefa, sekulu va Bete Gadere.

⁵² Omãla va Siovale, sekulu ya Kiriyata Yeari, vava: Haroe kuenda onepa ya va Manaheta.

⁵³ Apata a Kiriyata Yeari, ya: va Yetere la va Puti la va Siumati la va Misira. Kokuavo oko kua tunda va Corati la va Esitaole.

⁵⁴ Omãla va Salima vava: Beteleme la va Netofa, la va Ataroti, haivo epata lia Yoava, kuenda onepa ya va Manaheta, la va Cori.

⁵⁵ Apata avakuavisonehua a tunga ko Yavesi, ya: va Tirata la va Simeata la va Sukata. Ava ovo va Keni va citiwa la Hamati, sekulu yepata lia Rekava.