ISAYA 64 - Embimbiliya - Bíblia Sagrada em Umbundu

¹ A Ñala, nda wa towile ilu hã hu loka, okuti olomunda vi ku lulumila—

² ndeci ondalu yi timĩha ovinene pamue ndeci ondalu yi feluisa ovava,— onduko yove ha yi kulĩhĩwa lovanyali vove, kuenje olofeka vi ku lulumĩla.

³ Eci wa linga ovina vi lingisa usumba haivio ka tua lavokaile oco wa loka. Olomunda via ku lulumila.

⁴ Momo tunde konahũlu omanu ka va la yeva letũi, pamue oku mõla kiso, Suku yikuavo, te ove; haive o linga oñuatisi yu o ku imbila ovaso.

⁵ O ñualẽhẽla lu o sanjukila oku linga esunga, haeye o ku ivaloka volonjila viove. Tala, ove wa tema kuenje etu tua linga akandu; tua kala lao osimbu, oco hẽ, tu popeliwa?

⁶ Momo etu vosi tua linga ndu wa liñisua, esunga lietu liosi lia linga ndocinyaña ca liña. Etu vosi tu uwuka ndemẽla, evĩho lietu li tu ambata ndeci ci linga ofela.

⁷ Ka ku li u o tukula onduko yove, pamue u o votoka oku ku kuatelela, omo wa tu vundisila ocipala cove kuenje wa tu imba vevĩho lietu.

⁸ Puãi haimo, a Yehova, ove vuisietu; etu tutuma, ove wutungi wolombia. Etu vosi tupange wovaka ove.

⁹ Ku ka teme ca lua, a Yehova, ku ka ivaluke ño-o hũ evĩho. Tala, tu ku pinga tuti, Vanja, etu vosi tumanu vove.

¹⁰ Ovaimbo ove a kola a linga alunda, Siono ya linga ekalasoko, Yerusalãi ya nyõlẽha.

¹¹ Onjo yetu yi kola haiyo ya posoka, omu olosekulu vietu via ku sivayaila, ya pia londalu; kuenje ovitumãlo vietu via sunguluka via nyõlĩwa.

¹² Ndaño lovina evi, lopo o cimba ño ovaso, a Yehova? Haimo ũhã ño-o loku tu talisa ohali ya piala?