ISAYA 4 - Embimbiliya - Bíblia Sagrada em Umbundu

¹ Kuenje keteke liaco akãi epanduvali va kuata ulume umuamue, vati, Tu lia okulia kuetu muẽle, uwalo wetu muẽle tu wala; tava ño okuti tu tukuiwa londuko yove; tu upe osõi yetu.

² Keteke liaco ocinjovelela ca Yehova ci posoka lulamba, kuenje epako liofeka li linga eposo lia va Isareli ava va puluka; li lingavo ulamba wavo.

³ Oco wosi wa siala ko Siono ha tungi vo Yerusalãi okuti yu wa sonẽhĩwa ndu Yerusalãi o tukuiwa o kola

⁴ eci Ñala a sukula eliño liomãla va Siono akãi, leci a yelisa atime osonde a kasi vokati ka Yerusalãi, oku ci linga lofela yepiso kuenda ofela yoku nyõla.

⁵ Kutanya Yehova eca elende ha li kala kilu liolonjo viosi viomunda ya Siono kuenda kilu liakongelo aco; kuteke eca owisi lokutaima kulienge wondalu; momo ulamba wosi u sikilĩlaiwa lombindikiyo.

⁶ Yi linga ulembo wokutanya kuenda ocipundo coku wunda ekungukungu lombela.