III YOANO 1 - Embimbiliya - Bíblia Sagrada em Umbundu

¹ Ame ndukulu ndi sonehela Gaiu wa soliwa, haeye ndu solele vocili.

² Okuacisola, ndi likutilila okuti kovina viove viosi o sumũlũha kuenda kuhayele wetimba o ñuaima, ndeci o ñuai ale vutima.

³ Momo nda yolela ca lua eci vamue vamanji va pitila, kuenje va imbila omuenyo wove uvangi uwa, momo vomuenyo wove o kuãi muẽle Ocili.

⁴ Kokuange ka kuli esanju lia velapo, okuti eli lioku yeva okuti omãla vange va kasi loku endaila vocili li sule.

⁵ Okuacisola, eci o kuatisa vamanji vetavo, ca piãla akombe kua kũlĩhile, o kasi loku lekisa ocili cekolelo liove.

⁶ Va imba uvangi wocisola cove kovaso ekongelo. Ciwa oku va wilisa vonjila ndeci ca sesamela upange wa Suku.

⁷ Momo, onduko yange muẽle va katukila, kuenje ka va tambuile cimue kuava havakuetavoko.

⁸ Oco ocikele cetu oku linga onyima yomanu ndava, okuti lovo letu tu talavayela pamosi vupange w'Ocili.

⁹ Nda sonehela ale ekongelo ukanda, puãi, Deotrefe, u o yongola oku likapa kunene, wa tomba omoko yetu.

¹⁰ Oco, nda njiya, sinumula eci a kasi loku linga coku tu lundila olondaka vĩvi. Kuenda hacoko lika a kasi loku linga, cikuavo ceci, o likala eye muẽle oku hindikisa vamanji vetavo, kuenje ava va yongola oku ci linga eye o va lemela loku va tundisa vekongelo.

¹¹ Okuacisola, ku ka setukule eci ca vĩha, te eci cesunga. Momo ukuakulinga esunga eye o tiamela ku Suku, ukuakulinga evĩho ka la mola Suku.

¹² Ndeci Demétrio, vosi vo wimbila uvangi uwa, ndaño Ocili lacovo cu wimbila uvangi uwa. Etu letuvo tu wimbila uvangi uwa kuenje ene wa kũlĩhi okuti uvangi wetu wocili.

¹³ Nda kaile lovina via lua oku ku sonehela puãi si yongola oku vi soneha lotinda lopena.

¹⁴ Ndavoka oku ku mola ndopo, kuenje tu vangula omẽla lomẽla.

¹⁵ Ombembua yi kale love. Akamba va ku lamapo. Lamapo akamba onduko konduko.