HOSEA 5 - Embimbiliya - Bíblia Sagrada em Umbundu

¹ Yeveleli, avitunda! Yeveleli, apata lia Israeli! Vongola etui, anjo ya Soma. Momo episo olio liene, omo ko Misipa wa lingi onjanjo, loko Tavore wa lingi owanda wa nyanyumuĩwa.

² Kuenje va longisa okueve kuo vo Sitimi. Ame puãi ndi va yambula vosi yavo.

³ Efarimi ndo kũlĩha. Isareli ka wundile okuti siu mõli, momo, a Efarimi, cilo wa limba kukahonga, kuenda Isareli wa livĩhĩsa.

⁴ Ovilinga viavo vi kasi oku va tateka oku tiukila ku Suku yavo. Momo vovitima viavo mũli ocipango cukahonga, kuenja ka va kũlĩhĩle Yehova.

⁵ Okulipanda kua Isareli ku u pisa. Efarimi o kupuka longole yaye. Yuda layevo, o kupuka kumue lavo.

⁶ Va enda loviunda viavo violomeme levi violongombe ha va sandi Yehova. Puãi ka vo sangi. Eye wa litepa lavo.

⁷ Ka va sungulukilile ku Yehova momo va cita omãla yoku lumbula. Oco unyõli o va nyõla kumosi lovapia avo.

⁸ Siki enguena vo Givea lolumbeta vo Rama. Vilikiyi londaka yalua vo Betawene. A Benjamini, luluma!

⁹ Efarimi o kunduiwa eteke lieyambulo. Nda situluila pokati kapata a Isareli eci ci lingiwa muẽle.

¹⁰ Asongui va Yuda va soka lava va sondolola olotaka violongave. Ndi va sukumũila onyeño yange ndovava.

¹¹ Efarimi wa kangisua. Vakanga wa soya momo wa panga oku tiama kuevi viesanda.

¹² Oco ndingila Efarimi ndeteta. Onjo ya Yuda ndi yi lingila ndosekoseko.

¹³ Eci Efarimi a limbuka okuvela kuaye kuenda Yuda wa limbuka epute liaye, oco Efarimi wa lamanẽla ka Asuria, wa tuma ko Soma yinene. Eye puãi ka tẽla oku ku sakula, ndaño oku sakula epute liove.

¹⁴ Efarimi ndu lingila ndohosi, lepata lia Yuda ndeyove liohosi. Ame, ame muẽle, soyola kuenje nundako. Ngambata, lu o popela ka ku kala.

¹⁵ Niukila vali kocitumãlo cange, toke va limbuka ongole yavo, ha va sandi ocipala cange, ha va sandiliya volohali viavo, vati,