ETUNDILO 22 - Embimbiliya - Bíblia Sagrada em Umbundu

¹ Omunu nda iva ongombe pamue omeme kuenje o yipa pamue o yi landisa, ongombe o feta olongombe vitãlo; omeme olomeme vikuãla. O feta muẽle. Nda ka kuete eci a feta vo landisa kuenje evi a nyana vi fetiwa.

² Ocimunu nda vo sanga, o li loku tuiyila onjo kuenje vo veta okuti o fa, ka kuli ongole yosonde omo a fa.

³ Puãi nda ekumbi lio tundila kuli ongole yosonde omo a fa.

⁴ Nda ocinyama ca iviwa va ci sanga lomuenyo peka liaye, o feta vivali, ocinyama caco ci kale ongombe, ci kale ocimbulu, ci kale omeme.

⁵ Nda omunu o timiha epia liaye pamue ocumbo caye cayuva, kuenje ondalu yaco yenda, yi yoka epia liomunu ukuavo, eye o tiula evi via velapo viovepia liaye levi via velapo viovocumbo caye cayuva.

⁶ Nda ondalu yi sambuka ha yi kuata kolosongo, kuenje ovitungu viotiliku vi pia pamue otiliku ka ya keluiwile handi yi pia, pamue epia liaco muẽle li pia, u wa miha ondalu yaco o vi piñainyapo.

⁷ Nda omunu o pindikisa kukuavo olombongo pamue ovikuata oku vi tata kuenje via iviwa vonjo yomunu waco, ocimunu nda va ci kuata ci feta luvali.

⁸ Nda ocimunu ka ca molẽhele va tuala muẽleonjo kologanji, oku kũlĩhisa nda hẽ eye muẽle wa nyañula ovikuata viukuavo leka liaye.

⁹ Ondaka yosi yoku pindikisa, ci kale ongombe, ci kale ocimbulu, ci kale omeme, ci kale uwalo, ci kale cimue ca nyelẽla, nda umue o linga hati, cange, ukuavo layevo hati, cange, oco ondaka yavo, kavali kavo, yenda kolonganji. U olonganji vi pisa o feta luvali kukuavo.

¹⁰ Nda omunu o pindikisa kukuavo ocimbulu, pamue ongombe, pamue omeme, pamue ocinyama ciñi, oku ci tata kuenje ci fa, pamue ci lemẽhua, pamue ci kuatiwa, lu wa ci mõla ka kuli,

¹¹ oku lisinga la Yehova ku kala pokati kavo nda okuti eye muẽle ka nyañuile ovipako viukuavo leka liaye. Muẽle yaco o tava, oco ka ci piñainyuapo.

¹² Puãi nda ca iviwa kokuaye o ci piñainyapo.

¹³ Nda ca takĩliwa lovinyama a nene ocindekaise. Eci ca takĩliwa ka ci piñainyapo.

¹⁴ Nda omunu undila cimue kukuavo kuenje ci lemẽhua pamue ci fa, osimbu muẽle ka kasipo, o ci piñainyapo.

¹⁵ Nda muẽle haipo a kasi, u wa ci undila ka ci piñainyapo vali. Nda condiliwa oku ci feta feta ca takata vonganyu.

¹⁶ Nda umue o tamba ufeko ka kuelele kuenje o pekela laye, ulume eca olombongo violohuela, kuenje ufeko waco o linga ukãi waye.

¹⁷ Nda isiaco ka kuatako oku weca kokuaye ulume waco o feta olombongo ndeci va eca ilombo violohuela viafeko.

¹⁸ Ka ci tava onganga oku kala lomuenyo.

¹⁹ Omunu o pekela locinyama ipaiwa muẽle.

²⁰ U o lumba ocilumba ku suku yiñi, okuti ku yehova hakoko, o nyolĩwa.

²¹ Ka ci tava oku linga civi ukombe pamue oku u talisa ohali. Momo ene wa kali akombe vofeka ye Egito.

²² Ka ci tava oku fukĩlĩsa ocimbumba pamue osiwe.

²³ Nda wu va fũkĩlisa kuenje va mbilikiya, ame njeva muẽle evilikiyo liavo.

²⁴ Kuenje onyeño yange yi wenguka, ndu wipayi losipata. Akãi vene va linga ovimbumba, lomãla vene va linga olosiwe.

²⁵ Nda ove o levalisa olombongo kosuke yimue pokati komanu vange vu kasi lavo, ka ci ka lingile ndonganyu. Ka ci tava oku yi fetisa osindike.

²⁶ Nda o tambula onganga yokuẽle ndonjeke yi tiula kokuaye osimbu ekumbi ka lia iñilĩle.

²⁷ Omo oyo onanga yaye yoku wala haiyo yoku lisikĩlĩla. O pekela ndati? Nda o mbilikiya ndu yeva omo ndukuahenda.

²⁸ Ka ci tava oku tondala Suku ndaño oku siñala ombiali yofeka yove.

²⁹ Ka ci tava oku lenda oku upa kovaima wongula pamue kovinyu vi tunda kovikamelo oku vi lumba. Vu nyiha olonuñulu pokati komãla vene valume.

³⁰ Haico vu linga lolongombe viene vialume lolomeme. Oloneke epanduvali onuñulu yi kala la inaco, eteke liecelãla vu yi nyiha.

³¹ Wu linga omanu vange va kola, oco ka vu li ositu ya takĩliwila vusenge lovinyama. Vu yimba kolombua.