ESERA 2 - Embimbiliya - Bíblia Sagrada em Umbundu

¹ Olondaka vi kuãiko vi sapula okutendiwa kuomanu vakuafeka ya Yuda, ava va endele ko Bavulono umandekua okuti vambatiwile la Nevukandesa, Soma ya Bavulono, kuenje noke va tunda ko Bavulono, va tiukila ko Yerusalãi loko Yuda, omunu kimbo liavo, omunu kimbo liavo.

² Ava va va songuila vava, Seruvavele la Yesiua la Nehemiya la Seraya kuenda Releya la Moridekai la Bilisiana kuenda Misipare la Biguai la Rehumu la Baana. Koku va tenda vakuepata lia Isareli va kala ndomo:

³ Va Parosi va kala olohũlũkãi vivali kocita lakui epanduvali la vavali.

⁴ Va Sefatiya va kala ovita vitatu kakui epanduvali la vavali.

⁵ Va Ara va kala ovita epanduvali lakui epanduvali la vatãlo.

⁶ Va Pahata Moavi, okuti va Yesiua kuenda va Yoava, va kala olohũlũkãi vivali lovita ecelãla lekui la vavali.

⁷ Va Elami va kala ohũlũkãi kovita vivali lakui atãlo la vakuãla.

⁸ Va Satu va kala ovita ecea lakui akuãla la vatãlo.

⁹ Va Sakai va kala ovita epanduvali lakui epandu.

¹⁰ Va Bani va kala ovita epandu lakui akuãla la vavali.

¹¹ Va Bebai va kala ovita epandu lakui avali la vatatu.

¹² Va Asigade va kala ohũlũkãi kovita vivali lakui avali la vavali.

¹³ Va Adonikama va kala ovita epandu lakui epandu lepandu.

¹⁴ Va Biguai va kala olohũlũkãi vivali lakui atãlo lepandu.

¹⁵ Va Adini va kala ovita vikuãla lakui atãlo la vakuãla.

¹⁶ Va Atere, okuti va Hesekiya, va kala akui ecela lecelãla.

¹⁷ Va Besai va kala ovita vitatu lakui avali la vatatu.

¹⁸ Va Yora va kala ocita lekui la vavali.

¹⁹ Va Hasiumu va kala ovita vivali lakui avali la vatatu.

²⁰ Va Gibare va kala akui ecea la vatãlo.

²¹ Va Beteleme va kala ocita lakui avali la vatatu.

²² Alume va Netofa va kala akui atãlo lepandu.

²³ Alume va Anatote va kala ocita lakui avali lecelala.

²⁴ Va Asimavete va kala akui akuãla la vavali.

²⁵ Va Kiriyatarimi la Kefira kuenda Berote va kala ovita epanduvali lakui akuãla la vatatu.

²⁶ Va Rama la va Geva va kala ovita epandu lakui avali la mosi.

²⁷ Alume va Mikimasa va kala ocita lakui avali la vavali.

²⁸ Alume va Betele la Hai va kala ovita vivali kakui la vatatu.

²⁹ Va Nevo va kala akui atãlo la vavali.

³⁰ Va Magabisi va kala ocita lakui atãlo lepandu.

³¹ Va Elami ukuavo va kala ohulukãi kovita vivali lakui atãlo la vakuãla.

³² Va Harimi ovita vitatu kakui avali.

³³ Va Lodo okuti va Hadida kuenda va Ono va soka ovita epanduvali lakui avali la vatãlo.

³⁴ Va Yeriko ovita vitatu kakui akuãla la vatãlo.

³⁵ Va Senaa olohulukãi vitatu kovita epandu lakui atatu.

³⁶ Koku tenda ovitunda via kala ndomo: Va Yedaya, ukuepata lia Yesiua, va kala ovita ecea kakui epanduvali la vatatu.

³⁷ Va Imere va kala ohulukãi lakui atãlo la vavali.

³⁸ Va Pasihuri va kala ohulukãi kovita vivali lakui akuãla lepanduvali.

³⁹ Va Harimi va kala ohulukãi kekui lepanduvali.

⁴⁰ Koku tenda va Lewi va kala ndomo: Va Yesiua, okuti va Kadimiyele ukuepata lia Hodowiya, va kala akui epanduvali la vakuãla.

⁴¹ Olonjimbi via kala ndomo: Va Asafe va kala ocita lakui avali lecelãla.

⁴² Va vakuakutata olombundi va kala ndomo: Va Sialume la va Atere kuenda va Talimone la va Akuve la va Hatita kuenda va Siovai, vosi va kala ocita lakui atatu lecea.

⁴³ Vakuakuvumba onembele va kala ndomo: Omãla valume va Ciha lomãla valume va Hasufa kuenda omãla valume va Tabaote,

⁴⁴ lomãla valume va Kero so kuenda omãla valume va Siaha lomãla valume va Padone,

⁴⁵ lomãla valume va Levana lomãla valume va Hagava kuenda omãla valume va Akuve,

⁴⁶ lomãla valume va Hogave, kuenda omãla valume va Siamilai lomãla valume va Hanana,

⁴⁷ lomãla valume va Gidele lomãla valume va Gahara lomãla valume va Raya,

⁴⁸ kuenda omãla valume va Recini lomãla valume va Nekoda lomãla valume va Gasama,

⁴⁹ lomãla valume va Usa kuenda omãla valume va Paseha lomãla valume va Besai,

⁵⁰ lomãla valume va Asena lomãla valume va Meyunimi lomãla valume va Nefisimi,

⁵¹ omãla valume va Bakibuku lomãla valume va Hakufa kuenda omãla valume va Harihuru,

⁵² lomãla valume va Basiluti lomãla valume va Mehida kuenda omãla valume va Harisia,

⁵³ lomãla valume va Barikosi lomãla valume va Sisera lomãla valume va Tema,

⁵⁴ kuenda omãla valume va Neciya lomãla valume va Hatifa.

⁵⁵ Omãla valume vakuenje va Salomone va kala ndomo: omãla valume va Sotai lomãla valume va Asoferete kuenda omãla valume va Peluda,

⁵⁶ lomãla valume va Yaala lomãla valume va Darikone lomãla valume va Gidele,

⁵⁷ kuenda omãla valume va Sefatiya lomãla valume va Hatile lomãla valume va Pokerete Hasebayimi, kuenda omãla valume va Ami.

⁵⁸ Vakuakuvumba vonembele kuenda omãla valume vakuenje va Salomone, vosi va tẽla ovita vitatu lakui ecea la vavali.

⁵⁹ Kovaimbo a Telemela la Teleharesia kuenda Keruvi la Adana kuenda Imere kua tunda vamue ka va kũlĩhĩle ocili apata avo pamue ocikoti cavo, nda hẽ va Isareli nda ndati. Omanu vaco vava:

⁶⁰ va Delaya, va Toviya, kuenda va Nekoda. Vosi yavo va tẽla ovita epandu kakui atãlo lavavali.

⁶¹ Kuendavo omãla valume vovitunda, omãla valume va Haviya, lomãla valume va Hako kuenda omãla valume va Barisilai. Eye, Barisilai, wa kuela omõla a Barisilai u Gileada kuenje wa liluka onduko ya ndatembo yaye.

⁶² Ovo va vanjiliya olonduko viapata avo pokati katendelo apata. Puãi olonduko viapata avo ka via sangiwile, oco va tiuwiwa kuenje va tundisiwa kocisoko covitunda ndava ka va yelele.

⁶³ Kuenje Nguluvulu wa va sapuila hati, Ka ci tava oku lia okulia ku kola te kua molẽha ocitunda ci tẽla oku pula ku Urimi la Tumimi.

⁶⁴ Owiñi waco wosi wa soka lakui akuãla lavivali kolohulukãi kovita vitatu lakui epandu.

⁶⁵ Kilu liaco kua kala vali akuenje lafeko vakuakuvumba, olohũlũkãi epanduvali kovita vitatu lakui atatu lepanduvali, lolonjimbi vialume lakãi ovita vivali.

⁶⁶ Va kala lotuvalu tua soka ovita epanduvali kakui atatu lepandu, lolomula ovita vivali kakui akuãla lavitãlo.

⁶⁷ Lolongamelo viavo via soka ovita vikuãla lakui atatu lavitãlo. Lovimbulu via tẽla olohũlũkãi epandu kovita epanduvali kakui avali.

⁶⁸ Eci akulu vamue vapata va pitila konjo ya Yehova yi kasi vo Yerusalãi oco va eca olombanjaile vioku kuatisa oku tumbulula onjo ya Suku kocitumãlo cayo.

⁶⁹ Ndepondolo liavo va eca kombango yupange waco akui epandu la mosi kolosiekele viulu kuenda ovita vivali lakui atãlo kolohũlũkãi violosiekele viopalata. Va ecavo ocita covowalo ovitunda.

⁷⁰ Ovitunda kuenda va Lewi lomanu vamue va noliwa va kala vo Yerusalãi lovovikanjo viayo. Olonjimbi lolondavululi lakuenje vakuakuvumba vonembele va kala vovaimbo avo. Va Isareli vosi va kala vovaimbo avo.