ESERA 10 - Embimbiliya - Bíblia Sagrada em Umbundu

¹ Osimbu Esera a kala loku likutilila loku litavela loku lila loku likekemba kovaso yonjo ya Suku, owiñi wa va Isareli wongolokela kokuaye, alume lakãi lomãla. Omanu vosi va lila calua.

² Oco Sekaniya, omõla a Yeyele ukuepata lia Elami, wa popia la Esera hati, Tua lingila Suku yetu akandu. Tua kuela akãi va vakualofeka. Haimo lumue kondaka yilo ku va Isareli lopo kuli elavoko.

³ Kaliye tu lisili la Suku yetu ocisila coku litepa lakãi vaco vosi lomãla vavo, ndondaka vove a cime cange, leyi yava va lulumila ocihandeleko ca Suku yetu. Ci lingiwe muẽle ndocihandeleko.

⁴ Votoka. Ondaka yilo yove muẽle. Etu tu linga onyima yove. Kolisako. Kuatako.

⁵ Oco Esera wa votoka. Wa sĩliha ovitunda la va Lewi lomanu vosi va Isareli. Kuenje va lisila ocisila okuti va linga muẽle ndeci ca popiwa. Va ci lisila muẽle.

⁶ Esera ponjo ya Suku wa tundapo, wa enda kohondo ya Yehohanana, omõla a Eliasivi, oko a lala. Ka tavele oku lia ndaño oku nyua omo a lilila etavo liolomandekua ndomo lia nyõlẽha.

⁷ Oco kua imbiwila oluiya vo Yuda lo vo Yerusalãi luokuti vosi ava va tiuka kumandekua vongolokela vo Yerusalãi.

⁸ Kua sapuiwa vali okuti wosi ka mõlẽhele pokati koloneke vitatu ndocihandeleko casongui lakulu, ovikuata viaye viosi vi tambuiwa, kuenje eye muẽle o tundisiwa kohongele yava va tiuka.

⁹ Pokati koloneke vitatu alume vosi vapata a Yuda la Benjamini vongolokela ko Yerusalãi. Ca kala eteke liakui avali kosãi yecea. Omanu vosi va tumãla posamua yonjo ya Suku. Va kala loku luluma, oku lulumila usumba wondaka veyilila, loku lulumila ombela yalua ya kala loku loka.

¹⁰ Oco ocitunda Esera wa votoka. Wa popia lavo hati, Ene wa nyõli ocihandeleko, wa kueli akãi va vakualofeka, wa vokinyi vali kongole ya va Isareli.

¹¹ Cilo kaliye, litaveli ku Yehova, Suku yolosekulu viene. Lingi ocipango caye. Litepi la vakualofeka lakãi vaco.

¹² Ohongele yosi ya kumbulula londaka yinene, yiti, Ocili muẽle. Cetu oku linga ndeci wa popia.

¹³ Puãi omo omanu valua, kuenje cilo ondombo, ka tu tẽla oku kala posamua. Kuenda vali upange ulo haweteke liongongoko, pamue oloneke vivali, omo tua lueya calua kondaka yilo.

¹⁴ Kaliye asongui vosi va va Isareli va songole upange ulo. Kuenje vosi va kasi vovaimbo, vana va kuela akãi va vakualofeka, veye koloneke via tukuiwa. Veye kumosi lasongui vavo lakulu vavo, imbo limbo, toke onyeño ya Suku yetu kokuetu yimũha.

¹⁵ Yonatão, omõla a Asahele, kuenda Yahasiya, omõla a Tikiva, ovo lika va patãla ondaka yaco, kuenje Mesiulama lu Lewi Siabetai va kala konele yavo.

¹⁶ Oco ava va tiuka kumandekua va ci linga. Va nola ocitunda Esera kuenda akulu vamue vapata, epata lepata. Vosi va tukuiwa londuko omunu omunu. Veteke liatete liosãi yekui va tumãla oku kũlĩhisa ciwa ondaka yaco.

¹⁷ Eteke liatete kosãi yatete oco va mãla oku sokiya ondaka yalume vosi va kuela akãi va vakualofeka.

¹⁸ Ca sangiwa okuti omãla vamue vovitunda va kuela akãi va vakualofeka, ndeci Maaseya la Eliesere kuenda Yariva la Gedeliya vakuepata lia Yesuwa, omõla a Yocadake, la vakuepata liaye.

¹⁹ Va likuminya oku litepa lakãi vavo kuenje va lumba ndocilumba cakandu avo, omunu ocitupi, omunu ocitupi.

²⁰ Kepata lia Imere, Hanani la Sevediya.

²¹ Kepata lia Harimi, Maaseya la Eliya la Semaya kuenda Yehiyele la Usiya.

²² Kepata lia Pasihuri, Eliyoenai la Maaseya la Isameli kuenda Netanele la Yosavada la Eleasa.

²³ Ku va Lewi, Yosavada la Simei kuenda Kelaya yokuti Kelita, la Patahiya la Yuda kuenda Eliyesele.

²⁴ Kolonjimbi, Eliasivi. Ku vakuakulava olombundi, Sialume la Teleme kuenda Uri.

²⁵ Kepata lia Isareli; komãla va Parosi, Ramiya la Isiya la Malikiya kuenda Miyamime la Eleasara la Hasiaviya kuenda Benaya.

²⁶ Kepata lia Elami, Mataniya la Sakariya la Yehiyele kuenda Avidi la Yeremote la Eliya.

²⁷ Kepata lia Satu, Eliyoenai la Eliasivi kuenda Mataniya la Yeremote la Sabada kuenda Asisa.

²⁸ Kepata lia Bebai, Yehohanana, la Henaniya kuenda Sabai la Aletai.

²⁹ Kepata lia Bani, Mesiulama, la Maluki la Adaya kuenda Yasulu la Sieli la Yeremote.

³⁰ Kepata lia Pahati-Moavi Adina la Kelale la Benaya kuenda Maaseya la Mataniya la Beselele kuenda Binui la Manasa.

³¹ Kepata lia Harimi, Eleasava la Isiya kuenda Malikiya la Semaya la Siemone,

³² kuenda Benjamini la Maluki la Siemariya.

³³ Kepata lia Hasumi, Matenai la Matata la Sabade kuenda Elifelete la Yeremai la Manasa la Simeya.

³⁴ Kepata lia Bani, Maadi la Amirami la Uele

³⁵ kuenda Benaya la Bediya la Celuhi

³⁶ kuenda Baniya la Meremoti la Eliasivi

³⁷ la Mataniya kuenda Matenai la Yesu.

³⁸ Kepata lia Binui, Simeya

³⁹ la Sieliniya la Natana la Adaya

⁴⁰ la Makenadebai la Siasai kuenda Siaraya

⁴¹ la Asarele la Sielemiya la Siemaliya

⁴² la Sialume kuenda Amariya la Yosefe.

⁴³ Kepata lia Nevo, Yeyele la Matitiya la Sabada kuenda Sebina la Yadai la Yoeli kuenda Benaya.

⁴⁴ Vosi yavo va kuela akãi va vakualofeka kuenje va va eca kumosi lomãla vavo.