ESEKIELE 48 - Embimbiliya - Bíblia Sagrada em Umbundu

¹ Olonduko viapata vievi: Oku fetika kongave yoko Norte, tunde kokalunga, oku pita vo Hetilono toke koku iñilĩla vo Hamati ta ko Hacare-enana, kongave yoko Norte ya Damasko ocipepi loko Hamati tunde konẽle yokutundilo toke konẽle yutakelo, cosi ci linga onepa ya Dani.

² Onepa yi lisungue longave ya Dani tunde konẽle yokutundilo toke konẽle yokutakelo yi linga onepa ya Asiere.

³ Onepa yi lisungue longave ya Asiere tunde konele yokutundilo toke konẽle yokutakelo yi linga onepa ya Nafitali.

⁴ Onepa yi lisungue lonepa lo ya Nafitali tunde konẽle yokutundilo toke konẽle yokutakelo yi linga onepa ya Manase.

⁵ Onepa yi lisungue lonepa ya Manase tunde konẽle yokutundilo toke konẽle yokutokelo yi linga onepa ya Efarimi.

⁶ Onepa yi lisungue lonepa ya Efarimi tunde konẽle yokutundilo toke konẽle yokutakelo yi linga onepa ya Ruvene.

⁷ Onepa yi lisungue lonepa ya Ruvene tunde konẽle yokutundilo toke konẽle yokutakelo yi linga onepa ya Yuda.

⁸ Onepa yi lisungue lonepa ya Yuda tunde konẽle yokutundilo toke konẽle yokutakelo yi likalele. Upati wayo u kala akũi avali kolohũlukãi kolohũlũkãi vitãlo viovikeya, usovĩ wayo u lisoka lusovĩ wa yimue kolonepa viapata, tunde konẽle yokutundilo toke konẽle yokutakelo. Onembele yi kala vokati kayo.

⁹ Onepa va tepelako Yehova yi kala ndomo: Usõvi wayo akũi avali kolohũlũkãi kolohũlũkãi vitãlo viovikeya lupati waco akũi avali kolohũlũkãi viovikeya.

¹⁰ Oku tepisua kuonepa yi kola ku kala ndomo: Ovitunda vi tambula onepa yimue, usõvĩ wayo konẽle yoko Norte u kala akũi avali kolohũlũkãi kolohũlũkãi vitãlo viovikeya, upati wayo konẽle yutakelo ekuĩ liolohũlũkãi viovikeya, lupati wayo konẽle yokutundilo ekũi liolohũlũkãi kovikeya, lusõvĩ wayo konẽle yoko Sul akũi avali kolohũlũkãi kolohũlũkãi vitãlo viovikeya. Onembele ya Yehova yi kala vokati kaco.

¹¹ Onepa eyi yi kala yovitunda via kolisua ndokuti omãla va Sadoke, vana va lava ovisila viange, ka va lueyele ndeci va Lewi va lueyele eci omãla va Isareli va lueyele.

¹² Yi linga yavo muẽle, onepa yimue yi likasilili, yi kola koku kola, ya tepiwa konepa yi kola yofeka, yi lisungue locitumãlo ca va Lewi.

¹³ Kuenje ocipepi lonepa yovitunda va tambulako onepa, usõvĩ wayo akũi avali kolohũlũkãi kolohũlũkãi vitãlo viovikeya, lupati wayo akũi avali kolohũlũkãi viovikeya.

¹⁴ Ka va landisako cimue, ndaño oku tolokala, ka va eci kukuavo onepa eyi yi likasilili vofeka, momo yi kola ku Yehova.

¹⁵ Ocisupe ca sialapo ci linga cimbo ha ci lingi colonjo lovisenge vialio. Upati waco olohũlũkãi vitãlo viovikeya, lusõvĩ waco akũi avali kolohũlũkãi kolohũlũkãi vitãlo viovikeya. Vokati mu kala imbo.

¹⁶ Oloseteko vialio vievi: Konẽle yoko Norte olohũlũkãi vikuãla lovita vitãlo viovikeya; konẽle yoko Sul olohũlũkãi vikuãla lovita vitãlo viovikeya; konẽle yokutundilo olohũlũkãi vikuãla kovita vikuãla viovikeya; konẽle yokutakelo olohũlũkãi vikuãla kovita vitãlo viovikeya.

¹⁷ Kuenje imbo li kala ndomo: Konẽle yoko Norte ovita vivali lakui atãlo kovikeya; konẽle yoko Sul ovita vivali lakui atãlo kovikeya; konẽle yokutundilo ovita vivali lakui atãlo kovikeya; konẽle yokutakelo ovita vivali lakui atãlo kovikeya.

¹⁸ Eci ca siala kusõvĩ waco ocipepi lokonepa yi kola ci kala ekũi liolohũlũkãi kovikeya kutundilo, lekũi liolohũlũkãi kovikeya kutakelo, ci kala muẽle ocipepi lokonepa yi kola. Ovaima aco a linga okulia kuava va talavaya vimbo.

¹⁹ Lava va talavaya vimbo, okuti vakuepata liosi lia Isareli, ovo va ci lima.

²⁰ Onepa yosi yi tepiwa yokuti onepa yi kola kumosi lonepa yimbo. Olonẽle viayo viosi, kakuãla kavio, vi lisoka okuti onẽle akuĩ avali kolohũlũkãi kolohũlũkãi vitãlo viovikeya, onẽle akũi avali kolohũlũkãi kolohũlũkãi vitãlo viovikeya, avindi aco a lisoka.

²¹ Eci ci siala kolonẽle vivali vionepa yi kola lonepa yimbo ci linga cosoma. Oku tunda konepa yi kola yina yi kuete akũi avali kolohũlũkãi kolohũlũkãi vitãlo viovikeya toke kongave yokutundilo, kuenda oku tunda konepa yi kola yina yi kuete akũi avali kolohũlũkãi kolohũlũkãi vitãlo loku loña kutakelo toke kongave yokutakelo, omo cosi ca liambatisila lolonepa viapata, cosi ci kala cosoma. Onepa yi kola, kuenda onembele yi kasi vokati kayo,

²² lonepa yimbo, cosi ci kala vokati konepa yi tiama kosoma. Onepa yi tiama kosoma yi kala pokati konepa ya Yuda lonepa ya Benjamini.

²³ Apata a supapo: Tunde konẽle yokutundilo toke konẽle yokutakelo yi linga onepa ya Benjamini.

²⁴ Onepa yi lisungue lonepa ya Benjamini tunde konẽle yokutundilo toke konẽle yokutakelo, yi linga onepa ya Simeone.

²⁵ Onepa yi lisungue lonepa ya Simeone, tunde konẽle yokutundilo toke konẽle yokutakelo, yi linga onepa ya Yisakere.

²⁶ Onepa yi lisungue lonepa ya Yisakere, tunde konẽle yokutundilo toke konepa yokutakelo, yi linga onepa ya Sevulono.

²⁷ Onepa yi lisungue lonepa ya Sevulono tunde konẽle yokutundilo toke konẽle yokutakelo, yi linga onepa ya Gadi.

²⁸ Konẽle yo ko Sul yonepa ya Gadi ongave yi kala tunde ko Tamare toke kovava a Merivoti-kadesi, loku vamba lolui lue Egito toke kokalunga kanene.

²⁹ Eyi oyo ofeka vu tepisa ha yi lingi ocipiñalo capata a Isareli, kuenje evi oyio vi kala olonepa viavio. Oco ca popia Ñala Yehova.

³⁰ Atundilo imbo ya: Konẽle yoko Norte, oseteko yaco olohũlũkãi vikuãla kovita vitãlo viovikeya,

³¹ ku kala olombundi vitatu, ombundi Ruvene, lombundi Yuda lombundi Lewi, momo olombundi vimbo vi lukuluiwa olonduko viapata a Isareli.

³² Konẽle yokutundilo, oseteko yaco olohũlũkãi vikuãla kovita vitãlo viovikeya, ku kala olombundi vitatu, ombundi Yosefe, lombundi Benjamini, lombundi Dani.

³³ Konẽle yoko Sul, oseteko yaco olohũlũkãi vikuãla kovita vitãlo viovikeya ku kala olombundi vitatu, ombundi Simeone, lombundi Yisakere, lombundi Sevulono.

³⁴ Konẽle yokutakelo, oseteko yaco olohũlũkãi vikuãla kovita vitãlo viovikeya, ku kala olombundi vitatu: ombundi Gadi, ombundi Asiere, lombundi Nafitali.

³⁵ Oku ñuala imbo liosi ci linga ekũi liolohũlũkãi kolohũlũkãi ecẽlãla viovikeya. Londuko yimbo tunde ketali yi kala Yehova-Haiko-A-Kasi.