EFETIKILO 5 - Embimbiliya - Bíblia Sagrada em Umbundu

¹ Elivulu lilo liapata a Adama. Eteke Suku a lulika ulume wo lulika lesetahãlo lia Suku.

² Wa va lulika ulume lukãi, kuenje wa va sumũluisa, kuenje eteke va lulikiwa wa va tukula hati, Omanu.

³ Eci Adama a kala locita lakui atatu kanyamo oco wa cita omõla ulume, ukusetahãlo liaye, haeye ukuacilelembia caye; wo luka Seti.

⁴ Oloneke via Adama kovaso yokucitiwa kua Seti via kala ovita ecelãlã kanyamo; yu wa cita cita omãla valume lomãla vakãi.

⁵ Oloneke viosi Adama a kala lomuenyo ovita ecea kanyamo kanyamo akui atatu; yu wa fa.

⁶ Eci Seti a kala locita canyamo kanyamo atãlo oco wa cita Enosi.

⁷ Seti eci a cita Enosi wa kala vali lomuenyo ovita ecelãlã kanyamo kanyamo epanduvali, yu wa cita cita omãla valume lomãla vakãi.

⁸ Oloneke viosi via Seti via tẽla ovita ecea kanyamo kanyamo ekui lavali; yu wa fa.

⁹ Eci Enosi a kala lakũi ecea kanyamo oco wa cita Kenana.

¹⁰ Enosi wa kala vali lomuenyo kovaso yokucitiwa kua Kenana ovita ecelãla kanyamo kekui lianyamo kanyamo atãlo; yu wa cita cita omãla valume lomãla vakãi.

¹¹ Oloneke viosi vie Enosi via tẽla ovita ecea kanyamo kanyamo atãlo; yu wa fa.

¹² Eci Kenana a kala lakuĩ epanduvali kanyamo oco wa cita Mahalele.

¹³ Eci a cita Mahalele eye Kenana wa kala vali lomuenyo ovita ecelãlã kanyamo kanyamo akui akuãla, yu wa cita cita omãla valume lomãla vakãi.

¹⁴ Oloneke viosi via Kenana ovita ecea kanyamo kenyamo ekuĩ; yu wa fa.

¹⁵ Eci Mahalele a kala lakui epandu kanyamo kanyamo atãlo oco wa cita Yarede.

¹⁶ Eci a cita Yarede eye Mahalele wa kala vali lomuenyo ovita ecelãla kanyamo kanyamo akũi atatu, yu wa cita cita alume lakãi.

¹⁷ Oloneke viosi via Mahalele ovita ecelãlã vianyamo lakũi ecea kanyamo kanyamo atãlo, yu wa fa.

¹⁸ Eci Yarede a kala locita lakuĩ epandu kanyamo kanyamo avali oco wa cita Enoke.

¹⁹ Eci a cita Enoke eye Yarede wa kala vali lomuenyo ovita ecelãla kanyamo yu wa cita cita omãla valume lomãla vakãi.

²⁰ Oloneke viosi via Yarede ovita ecea kanyamo kanyamo akũi epandu kanyamo avali; yu wa fa.

²¹ Eci Enoke a kala lakũi epandu kanyamo kanyamo atãlo oco wa cita Metusele.

²² Kuenje Enoke wa enda enda la Suku kovaso yoku cita Metusele ovita vitatu kanyamo, yu wa cita cita omãla valume lomãla vakãi.

²³ Oloneke viosi via Enoke ovita vitatu kanyamo lakũi epandu kanyamo kanyamo atãlo.

²⁴ Enoke yu wa enda enda kumue la Suku kuenje keko momo Suku wo sondolola.

²⁵ Eci Metusele a kala locita lakũi ecelãla kanyamo kanyamo epanduvali oco wa cita Lameke.

²⁶ Eci Metusele a cita Lameke wa kala vali lomuenyo ovita epanduvali kanyamo kakui ecelãla kanyamo kanyamo avali, yu wa cita omãla valume lomãla vakãi.

²⁷ Oloneke viosi via Metusele ovita ecea kanyamo lakui epandu kanyamo kanyamo ecea; yu wa fa.

²⁸ Eci Lameke a kala locita lakuĩ ecelãla kanyamo kanyamo avali, oco a cita omõla ulume,

²⁹ wo luka Noha ca lomboloka Elembeleko, hati, Eye o tu kuatisa okuti posi yina Yehova a siñala pa tunda elembeleko liokupange wovaka etu.

³⁰ Eci a cita Noha eye Lameke wa kala vali lomuenyo ovita vitãlo lakui ecea kanyamo kanyamo atãlo, yu wa cita cita omãla valume lomãla vakãi.

³¹ Oloneke viosi via Lameke ovita epanduvali kakui epanduvali kanyamo kanyamo epanduvali; yu wa fa.

³² Kovaso yoku tẽlĩsa ovita vitãlo kanyamo Noha wa cita Semi, Hama, la Yafete.