EFETIKILO 36 - Embimbiliya - Bíblia Sagrada em Umbundu

¹ Ombuto ya Esau haeye Edome yeyi:

² Esau wa kuela akãi vaye komãla va Kanana, Ada omõla a Elone u Hiti, la Oholivama omõla a Ana, omõla a Sivone u Hivi,

³ la Basimate omõla a Isameli mukãi wa Nevayoti.

⁴ Ada yu wa cita le Esau Elifase. Basimate wa cita Ruele.

⁵ Oholivama wa cita Yewusi, Yalame la Korahi; ovo omãla ve Esau a citila vofeka ya Kanana.

⁶ Esau wa katuka kumue lakãi vaye lomãla vaye valume, lomãla vaye vakãi, lomanu vosi vovonjo yaye, lolongombe viaye, lovinyama viaye viosi, lovikuata viaye viosi a vi fukila kofeka ya Kanana kuenje wa enda kofeka yiñi, kupãla la Yakoba manjaye.

⁷ Omo ukuasi wavo wa lua, ka va tẽlele oku tunga pamosi; ndaño ofeka yovongende avo ka ya tẽlele oku va tekola ovo loviunda viavo.

⁸ Oco Esau wa tungila vofeka yolomunda vo Seire; Esau haeye Edome.

⁹ Alo o-o apata a Esau osekulu ya va Edome komunda ya Seire.

¹⁰ Olonduko viomãla ve Esau vievi: Elifase omõla a Ada ukãi we Esau. Ruele omõla a Basimate ukãi we Esau.

¹¹ Omãla ve elifase vava: Temani, Omari, Cefo, Gatame la Kenasi.

¹² Kuenje Timina eye ukama we Elifase omõla a Esau, wa cita la Elifase Amaleke. Ovo omãla va Ada ukãi we Esau.

¹³ Omãla va Ruele vava: Nahati, Sera, Siama la Misa. Ovo omãla va Basimate ukãi we Esau.

¹⁴ Omãla va Oholivama, omõla a Ana, omõla a Sivone, ukãi we Esau vava: Yewusi, Yalame la Korahi, ovo a cita le Esau.

¹⁵ Olosekulu viomãla ve Esau vievi: omãla ve Elifase eye nuñulu ye Esau, sekulu Temani, sekulu Omari, sekulu Cefo, sekulu Kenasi,

¹⁶ sekulu Korahi, sekulu Gatame la sekulu Amaleke; evi ovio olosekulu vie Elifase kofeka ye Edome. Ovo omãla valume va Ada.

¹⁷ Omãla va Ruele omõla a Esau vava: sekulu Nahati, sekulu Sera, sekulu Siama, sekulu Misa; evi olosekulu via Ruele kofeka ye Edome. Ovo omãla va Basimate ukãi we Esau.

¹⁸ Omãla va Oholivama ukãi we Esau vava: sekulu Yewusi, sekulu Yalame, sekulu Korahi, evi closekulu vio Oholivama omõla a Ada ukãi we Esau.

¹⁹ Ovo omãla ve Esau haivio olosekulu viavo, haeye Edome.

²⁰ Omãla va Seire u Hori vakuafeka vava: Lotana, Sevale, Sivone, Ana,

²¹ Disione, Eseri la Disiane; evi olosekulu viava Hori omãla va Seire kofeka ye Edome.

²² Omãla va Lotana vava: Hori la Hemame. Mukãi wa Lotana eye Timina.

²³ Omãla va Sovale vava: Aluana, Manahata, Evale, Sefo la Onami.

²⁴ Omãla va Sivone vava: Aya la Ana; eye Ana una wa tuluka olono viovava a tokota kekalasoko eci a lisa ovimbulu via Sivone isiaye.

²⁵ Omãla va Ana vava: Disione la Oholivama omõla a Ana.

²⁶ Omãla va Disione vava: Hemidana, Esibana, Yitarana la Kerane.

²⁷ Omãla va Eseri vava: Bilihane, Sawana la Akana.

²⁸ Omãla va Disiane vava: Usi la Arane.

²⁹ Olosekulu viava Hori vievi: sekulu Lotana, sekulu Sovale, sekulu Sivone, la sekulu Ana,

³⁰ sekulu Disione, sekulu Eseri, sekulu Disiane; evi ovio olosekulu viava Hori kolosekulu viavo kofeka ya Seire.

³¹ Olosoma via viala kofeka ye Edome osimbu ka kua vialele handi osoma kova Isareli vievi:

³² Bela omõla a Beore yu wa viala ke Edome, onduko yombala yaye Dinihava.

³³ Bela wa fa kuenje Yovave omõla a Sera u Bosara wa viala komangu yaye.

³⁴ Tovave wa fa kuenje Husama ukuafeka yava Temani wa viala komangu yaye.

³⁵ Husama wa fa kuenje Hadade, omõla a Betate una wa yula va Midiane kusenge wa Moavi, wa viala komangu yaye; onduko yombala yaye Awite.

³⁶ Hadade wa fa kuenje Samala u Masereka wa viala komangu yaye.

³⁷ Samala wa fa, keunje Saulu u Rehovote konele yolui wa viala komangu yaye.

³⁸ Saulu wa fa kuenje Balahanana omõla a Akibore wa viala komangu yaye.

³⁹ Eye Balahanana omõla a Akibore wa fa kuenje Hadare wa viala komangu yaye. Onduko yombala yaye Pau; onduko yukãi waye eye Mehetavele omõla a Matirete omõla a Mesahave.

⁴⁰ Olonduko violosekulu viovitumbulukila vie Esau kapata avo, lovaimbo avo lolonduko viavo, vievi: sekulu Timina, sekulu Alua, sekulu Yetete,

⁴¹ sekulu Oholivama, sekulu Ela, sekulu Pinone,

⁴² sekulu Kenase, sekulu Temani, sekulu Mibisare,

⁴³ sekulu Magedele, sekulu Irami; evi ovio olosekulu vie Edome kovaimbo avo kofeka va yi tungile. Eye Esau osekulu yave Edome.