EFETIKILO 10 - Embimbiliya - Bíblia Sagrada em Umbundu

¹ Alo o-o apata omãla valume va Noha, Semi, Hama la Yafete; kovaso yetande wa cita omãla valume.

² Omãla va Yafete vava; Gomere, Magoga, Madai, Yavane, Tuvale, Meseke la Tirasi.

³ Omãla va Gomere vava: Asikinasi, Rifati la Togarma.

⁴ Omãla va Yavane vava: Elisia, Tarsisi, Kitimi la Dodani.

⁵ Kokuavo oko kua tunda omanu va lisandula, va tunga ovaimbo a vamba kokalunga. Ovo omãla va Yafete, va tepiwila kovaimbo avo, omunu omunu ndelimi liaye, lapata avo lolofeka viavo.

⁶ Omãla va Hama vava: Kusi, Misarimi, Puti la Kanana.

⁷ Omãla va Kusi vava: Seba, Havila, Savata, Raama la Saveteka. Omãla va Raama vava: Seva la Dedane.

⁸ Kusi yu wa cita Nimuroti. Eye tete wa linga ukuonene vofeka.

⁹ Eye embelengenje linene ku Yehova; ndokuti kuli olusapo luti, U wa lisoka la Nimuroti, embelengenje linene ku Yehova.

¹⁰ Eye wa fetika uviali waye ko Bavele loke Ereke kuenda ko Akandi loko Kaline lofeka ya Sinare.

¹¹ Vofeka yaco omo mua tunda Asuria yu wa tungisa Ninivei la Rehovote-Iri la Kala,

¹² kuenda Resene pokati ka Ninivei la Kala, hailio imbo linene.

¹³ Misarimi yu wa cita va Ludu lava Anami lava Lehavi lava Nafatuhi,

¹⁴ lava Patrusi, lava Kesuluhi, kokuavo kua tunda va Filisiti, kuenda va Kafotori.

¹⁵ Kanana yu wa cita Sitono uveli waye kuenda Heti,

¹⁶ la va Yevusi la va Amori, la va Girigasi,

¹⁷ la va Hivi, la va Ariki, la va Sinete,

¹⁸ la va Arvadi, la va Semari, la va Hamati. Kovaso yaco apata a va Kanana a litepatepa.

¹⁹ Ongave ya va Kanana yeyi, tunde ko Sitono loku enda ku Gerare, toke ko Gasa loku enda ko Sodoma loko Gomora la Adema loko Sevomi toke ko Lasa.

²⁰ Ovo omãla va Hama, lapata avo, lalimi avo, lovaimbo, lolofeka viavo.

²¹ Leyevo Semi, eye osekulu yomãla va Heveru vosi, eye kota lia Yafete, omãla va citiwa laye.

²² Omãla va Semi vava: Elami, Asuria, Aripasade, Ludu la Arama.

²³ Omãla va Arama vava: Usi, Huli, Gedere la Masi.

²⁴ Aripasade wa cita Sela; Sela wa cita Heveru;

²⁵ Heveru wa cita omãla vavali valume. Onduko yu watete eye Pelegi, momo koloneke viaye ofeka ya litepa; onduko yamanjaye Yokatane.

²⁶ Yokatane wa cita Alimodade, Selefe, Hacarimaweti, Yera,

²⁷ Hadorama, Usale, Dikila,

²⁸ Ovale, Avimale, Seva,

²⁹ Ofiri, Havila la Yovave; ovo vosi omãla va Yokatane.

³⁰ Ofeka yavo yeyi, tunde ko Mesia loku enda ko Sefare kuna kolondundango vionano.

³¹ Ovo omãla va Semi lapata avo lalimi avo, lovaimbo avo, lolofeka viavo.

³² Alo o-o apata omãla va Noha lovitumbulukila viavo, lolofeka viavo. Oco olofeka viokilu lieve via tunda kokuavo kovaso yetande.