ATENDELO 7 - Embimbiliya - Bíblia Sagrada em Umbundu

¹ Eteke Mose a mãla oku tunga ombalaka loku yi waveka loku yi kolisa kumue lovikuata viayo viosi, loku waveka loku kolisa utala lovikuata viawo viosi,

² oco ovasongui va va Isareli, okuti akulu vapata olosekulu viavo, haivo ovasongui vomanu va tendiwa kovapata,

³ va nena ovilumba viavo ku Yehova, okuti akãlu epandu a sikĩlĩlua kuenda olongombe ekuĩ la vivali; okuti ovasongui vavali ekãlu, kuenda usongui usongui ongombe. Va vi nena kovaso yombalaka.

⁴ Yehova wa popia la Mose hati,

⁵ Vi tambula kokuavo, okuti vi linga upange wombalaka yoku ñualẽhẽla la Yehova. Vi eca ku va Lewi, u ndupange waye, u ndupange waye.

⁶ Oco Mose wa tambula akãlu lolongombe, kuenje wa vi eca ku va Lewi.

⁷ Akãlu avali lolongombe vikuãla wa vi eca ku va Gerisiono ndupange wavo;

⁸ lakãlu akuãla lolongombe ecẽlãla wa vi eca ku va Merari ndupange wavo, peka lia Itamare, omõla ocitunda Arone.

⁹ Puãi ka ecele cimue ku va Kohata, momo ocikele cavo oku tata ovina vi kola vina va vi ambayataila povitai.

¹⁰ Oco ovasongui va nena olombanjaile viavo vioku tumbika utala uteke wa wavekiwa, kuenje ovasongui va nena ovilumba viavo kovaso yutala.

¹¹ Yehova wa popia la Mose hati, Va lumbe ovilumba viavo vioku tumbika utala, usongui leteke liaye, usongui leteke liaye.

¹² U wa nena ocilumba caye eteke liatete, Nahisione, omõla a Aminadava, ukuepata lia Yuda.

¹³ Ocilumba caye elonga liopalata lia pesala ocita lakuĩ atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela haiyo ya linga ocilumba colomema.

¹⁴ Ocito culu cekuĩ liolosiekele ce yuka insensu.

¹⁵ Onale, locitupi comeme, lokameme kulume ka kuete unyamo ovio via linga ocilumba coku pia elisi.

¹⁶ Ocitupi cohombo oco ca linga ocilumba cekandu.

¹⁷ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Eci oco ocilumba ca Nahisione, omõla a Aminadava.

¹⁸ Eteke liavali Netanele, omõla a Cuare, usongui wa Isakare, wa nena ocilumba.

¹⁹ Ocilumba caye elonga liopalata lia pesala ocita lakuĩ atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela haiyo ya linga ocilumba colomema.

²⁰ Ocita culu cekuĩ liolosiekele ce yuka insensu.

²¹ Onale locitupi comeme lokameme kulume ka kuete unyamo ovio via linga ocilumba coku pia elisi.

²² Ocitupi cohombo oco ca linga ocilumba cekandu.

²³ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo, ovio via linga ocitundasonde combembua. Eci oco ocilumba ca Netanele, omõla a Cuare.

²⁴ Eteke liatatu Eliyava, omõla a Helone, usongui wa va Sevulono wa nena ocilumba.

²⁵ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakuĩ epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

²⁶ Ocito culu cekui liolosiekele ce yuka insensu.

²⁷ Onale locitupi comeme lokameme kulume ka kuete unyamo ovio via linga ocilumba coku pia elisi.

²⁸ Ocitupi cohombo oco ca linga ocilumba cekandu.

²⁹ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Eliyava, omõla a Helone.

³⁰ Eteke liakuãla Elicuru, omõla a Sedeyuvu, usongui wa va Ruvene wa nena ocilumba.

³¹ Ocilumba caye elonga liopalata lia pesala ocita lakuĩ atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

³² Ocito culu cekuĩ liolosiekele ce yuka insensu.

³³ Onale locitupi comeme lokameme kulume ka kuete unyamo ovio via linga ocilumba coku pia elisi.

³⁴ Ocitupi cohombo oco ca linga ocilumba cekandu.

³⁵ Olongombe vivali, lovitupi vitãlo violomeme, lovitupi vitãlo violohombo kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Elicuru, omõla a Sedeyuru.

³⁶ Eteke liatãlo Sielumiele, omõla a Curisiadai, usongui wa va Simeone wa nena ocilumba.

³⁷ Ocilumba caye elonga liopalata lia pesala ocita lakuĩ atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

³⁸ Ocito culu cekui liolosiekele ce yuka insensu.

³⁹ Onale locitupi comeme lokameme kulume ka kuete unyamo ovio via linga ocilumba coku pia elisi.

⁴⁰ Ocitupi cohombo oco ca linga ocilumba cekandu.

⁴¹ Olongombe vivali, lovitupi vitãlo violomeme, lovitupi vitãlo violombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci ocilumba ca Sielumiele, omõla a Curisiadai.

⁴² Eteke liepandu Eliyasafe, omõla a Dawele, usongui wa va Gadi wa nena ocilumba.

⁴³ Ocilumba caye elonga liopalata lia pesala ocita lakuĩ atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

⁴⁴ Ocito culu cekuĩ liolosiekele ce yuka insensu.

⁴⁵ Onale locitupi comeme lokameme kulume ka kuete unyamo ovio via linga ocilumba coku pia elisi.

⁴⁶ Ocitupi cohombo oco ca linga ocilumba cekandu.

⁴⁷ Olongombe vivali, lovitupi vitãlo violomeme, lovitupi vitãlo violohombo kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Eliyasafe, omõla a Dewele.

⁴⁸ Eteke liepanduvali Elisiama, omõla a Amihudu, usongui wa va Efarimi wa nena ocilumba.

⁴⁹ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela haiyo ya linga ocilumba colomema.

⁵⁰ Ocito culu cekui liolosiekele ce yuka insensu.

⁵¹ Onale locitupi comeme lokameme kulume ka kuete unyamo ovio via linga ocilumba coku pia elisi.

⁵² Ocitupi cohombo oco ca linga ocilumba cekandu.

⁵³ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ce Elisiama, omõla a Amihudu.

⁵⁴ Eteke liecelãla Gamaliyele, omõla a Pedacuru, usongui wa va Manase, wa nena ocilumba.

⁵⁵ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela haiyo ya linga ocilumba colomema.

⁵⁶ Ocito culu cekuĩ liolosiekele ce yuka insensu.

⁵⁷ Onale locitupi comeme lokameme kulume ka kuete unyamo ovio via linga ocilumba coku pia elisi.

⁵⁸ Ocitupi cohombo oco ca linga ocilumba cekandu.

⁵⁹ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Gamaliyele, omõla a Pedacuru.

⁶⁰ Eteke liecea Avidana, omõla a Gidioni, usongui wa va Benjamini, wa nena ocilumba.

⁶¹ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakui epanduvali, kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

⁶² Ocito culu cekui liolosiekele, ce yuka insensu.

⁶³ Onale locitupi comeme lokameme kulume ka kuete unyamo ovio via linga ocilumba coku pia elisi.

⁶⁴ Ocitupi cohombo oco ca linga ocilumba cekandu.

⁶⁵ Olongombe vivali, lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Avidana, omõla a Gideoni.

⁶⁶ Eteke liekui Ahiesere, omõla a Amisiadai, usongui wa va Dani wa nena ocilumba.

⁶⁷ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela haiyo ya linga ocilumba colomema.

⁶⁸ Ocito culu cekui liolosiekele ce yuka insensu.

⁶⁹ Onale locitupi comeme lokameme kulume ka kuete unyamo ovio via linga ocilumba coku pia elisi.

⁷⁰ Ocitupi cohombo oco ca linga ocilumba cekandu.

⁷¹ Olongombe vivali, lovitupi vitãlo violomeme, lovitupi vitãlo violohombo kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Ahiesere, omõla a Amisiadai.

⁷² Eteke ekui la mosi Pagiyele, omõla a Okirana, usongui wa va Asiere, wa nena ocilumba.

⁷³ Ocilumba caye elonga liopalata lia pesala ocita lakui atatu kolosiekele, ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

⁷⁴ Ocito culu cekui liolosiekele ce yuka insensu.

⁷⁵ Onale locitupi comeme lokameme kulume ka kuete unyamo ovio via linga ocilumba coku pia elisi.

⁷⁶ Ocitupi cohombo oco ca linga ocilumba cekandu.

⁷⁷ Olongombe vivali lovitupi vitãlo violomeme, lovitupi vitãlo violohombo, kuenda olomeme vitãlo vialume vi kuete unyamo ovio via linga ocitundasonde combembua. Cosi eci oco ocilumba ca Pagiyele, omõla a Okirana.

⁷⁸ Eteke liekui lavali Ahira, omõla a Enane, usongui wa va Nafitali, wa nena ocilumba.

⁷⁹ Ocilumba caye elonga liopalata lia pesala ocita lakui atatu kolosiekele, kuenda ombasiya yopalata yakui epanduvali kolosiekele, ndosiekele yonembele; kavali kavio vie yuka osema ya fina ya tengiwa lulela, haiyo ya linga ocilumba colomema.

⁸⁰ Ocito culu cekui liolosiekele ce yuka insensu.

⁸¹ Onale locitupi comeme lokameme kulume ka kuete unyamo ovio via linga ocilumba coku pia elisi.

⁸² Ocitupi cohombo oco ca linga ocilumba cekandu.

⁸³ Olongombe vivali lovitupi vitãlo violomeme, lovitupi vitãlo violohombo, kuenda olomeme vivali vialume vi kuete unyamo, ovio via linga ocitundasonde combembua. Cosi eci oco ocilumba ca Ahira, omõla a Enane.

⁸⁴ Ocilumba coku tumbika utala eteke wa wavekiwa, ca tunda kasongui va va Isareli ceci, ekui lialonga kalonga avali opalata, ekui liolombasiya kolombasiya vivali viopalata, ekui liovito kovito vivali viulu;

⁸⁵ elonga elonga liopalata ocita lakui atatu kolosiekele, ombasiya ombasiya akui epanduvali; ovikuata viosi viopalata via soka olohulukãi vivali kovita vikuãla violosiekele, ndosiekele yonembele;

⁸⁶ ekui liovito kovito vivali viulu, vie yuka insensu, ocito ocito ekui liolosiekele, ndosiekele yonembele; ulu wosi wovito ocita lakui avali kolosiekele;

⁸⁷ ovinyama viosi viocilumba coku pia elisi ekui liolonale kolonale vivali, ekui liovitupi kovitupi vivali violomeme, ekui liotumeme kotumeme tuvali tualume tu kuete unyamo, locilumba cavio colomema; ekui liovitupi kovitupi vivali violohombo viocilumba cekandu;

⁸⁸ olongombe viosi viocitundasonde combembua akui avali kolonale kolonale vikuãla, akui epandu kovitupi violomeme, akui epandu kovitupi violohombo, akui epandu kotumeme tualume tu kuete unyamo. Oyo ombanjaile yoku tumbika utala eci wa wavekiwa.

⁸⁹ Eci Mose a iñila vombalaka yoku ñualehela la yehova oku vangula la Yehova, oco a yeva ondaka ya popia laye, ya tundilila kilu liomangu yohenda ya kala kilu liocikasia covisila, pokati ka va Keruvi vavali, oco ya popia laye.