ATENDELO 34 - Embimbiliya - Bíblia Sagrada em Umbundu

¹ Yehova wa popia la Mose hati,

² Imba va Isareli onumbi. Popia lavo huti, Eci wiñili vofeka ya Kanana, omo ofeka yosi ya Kanana ya linga ocipiñalo cene,

³ ulilo wene woko Sul u tunda kekalasoko lia Cina, wenda lulilo wa va Edome, kuenje ulilo wene woko Sul u kala tunde kesulilo li Ociva Comongua kutundilo.

⁴ Ulilo waco wenda loku ñuala ko Sul yondondelo ya Akirabi u pita ko Cina; okutunda kuawo ku kala ko Sul ya Kadesi Barnea. U loña ko Hacara Adare, oco u pita ko Acimone.

⁵ Ulilo waco u tunda ko Acimone, u ñuala kolui lue Egito, okusukiya kuaco ku kala kokalunga.

⁶ Ulilo wokutakelo, okalunga kanene ka linga ulilo waco; haiko ulilo wene wokutakelo.

⁷ Ulilo wene woko Norte u kala ndomo: tunde kokalunga kanene seteki toke komunda ya Horo.

⁸ Tunde komunda ya Horo seteki toke oku iñila ko Hamati. Okutunda kulilo ulo ku kala ko Cedada.

⁹ Ulilo waco u pita ko Sifirono, okusukiya kuawo ku kala vo Hacare Enana. Owo ulilo wene woko Norte.

¹⁰ Ulilo wene wokutundilo seteki tunde ko Hacare Enana toke ko Sefama.

¹¹ Ulilo u tunda ko sefama, wenda ko Rivila, konẽle ya Ayini yokutundilo. Noke ulilo waco u loka, u pita konẽle oyo yo Ociva ca Kinirote kutundilo.

¹² Ulilo waco u lokila ko Yordão; okusukiya kuawo ku kala ko Ociva Comongua. Eyi oyo ofeka yene ndolongave vi yi ñualako.

¹³ Mose wa handeleka va Isareli, hati, Eyi oyo ofeka wu piñala loviela, eyi Yehova a handeleka oku eca kapata ecea lo konepa yepata.

¹⁴ Momo epata lia va Ruvene, ndapata olosekulu viavo, lepata lia va Gadi ndapata olosekulu viavo, va kuata ale, kuendavo onepa yepata lia Manase ya kuata ale ocipiñalo cavo.

¹⁵ Apata aco avali lonepa yepata va kuata ale ocipiñalo cavo sinya lilo lia Yordão, kutundilo wekumbi, oku imba ovaso ko Yeriko.

¹⁶ Yehova yu wa popia la Mose hati,

¹⁷ Olonduko viomanu vo tepela ofeka ha yi lingi ocipiñalo cene vievi: Eleasa haeye ocitunda la Yehosua, omõla a Nune.

¹⁸ Tukuli epata epata usongui ho tepisa ofeka ocipiñalo.

¹⁹ Olonduko viomanu vaco vievi: Kepata lia Yuda, Kalembe, omõla a Yefune.

²⁰ Kepata lia va Simeone, Samuele, omõla a Amihudu.

²¹ Kepata lia Benjamini, Elidada, omõla a Kisilono.

²² Kepata lia va Dani, usongui Buki, omõla a Yogili.

²³ Ku va Yosefe: kepata lia va Manase, usongui Haniyele, omõla a Efode.

²⁴ Kepata lia va Efarimi, usongui Kemuele, omõla a Sifitana.

²⁵ Kepata lia va Sevulono, usongui Elicafana, omõla a Parinake.

²⁶ Kepata lia va Isakare, usongui Palitiyele omõla a Asana.

²⁷ Kepata lia va Asiere, usongui Ahihudu, omõla a Selomi.

²⁸ Kepata lia va Nafitali, usongui Pedahele, omõla a Amihudu.

²⁹ Ava ovo Yehova a tukula okuti va tepisila va Isareli ocipiñalo cavo vofeka ya Kanana.