ATENDELO 26 - Embimbiliya - Bíblia Sagrada em Umbundu

¹ Eci efengi liaco lia imũha, Yehova wa popia la Mose la Eleasa, omõla ocitunda Arone, hati,

² Tendi va Isareli vosi vakuanyamo akuĩ avali kuenda kua supa. Va tenda epata epata, okuti oku tenda va Isareli vosi va tẽla oku enda kovita.

³ Oco Mose locitunda eleasa va popia lavo kanyãla a Moavi kekulo lia Yordão, oku imba ovaso ko Yeriko, vati,

⁴ Tendi va Isareli vosi vakuanyamo akuĩ avali kuenda kua supa, ndeci Yehova a sapuila Mose. Va Isareli va tunda kofeka ye Egito vava:

⁵ Ruvene onuñulu ya Isareli; omãla va ruvene: Henoke, sekulu ya va Henoke; Falu, sekulu yava Falu;

⁶ Hecirone, sekulu ya va Hecirone; Karimi, sekulu ya va Karimi.

⁷ A apata a va Ruvene. Vavo va tendiwa va tẽla akuĩ akuãla kolohũlũkãi kolohũlũkãi vitatu lovita epanduvali lakui atatu.

⁸ Omãla va Falu: Eliyava.

⁹ Omãla va Eliyava: Nemuele, Datana la Avirama. Datana la Avirama ovo vana va noliwa pokati kohongele, haivo va kala la va Kora kuenje va tamalala la Mose kuenda Arone eci va Kora va ñualelapo Yehova.

¹⁰ Osi ya asama, ya va ina kumuamue la Kora, eci owiñi waco wa fa, leci ondalu ya lia ovita vivali luakuĩ atãlo kovalume, kuenje va linga ondimbukiso.

¹¹ Haimo lumue omãla va Kora ka va file.

¹² Omãla va Simeone lapata avo: Nemuele, sekulu ya va Nemuele; Yamini, sekulu ya va Yamini; Yakini, sekulu ya va Yakini;

¹³ Sera, sekulu ya va Sera; Saulu, sekulu ya va Saulu.

¹⁴ A ovapata a va Simeone, akuĩ avali kolohũlũkãi kolohũlũkãi vivali lovita vivali.

¹⁵ Omala va Gadi lapata avo: Cefono, sekulu ya va Cefono; Hagi, sekulu ya va Hagi; Siuni, sekulu ya va Siuni;

¹⁶ Osini, sekulu ya va Osini; Eri, sekulu ya va Eri;

¹⁷ Arode, sekulu ya va Arode; Areli, sekulu ya va Areli.

¹⁸ A ovapata omãla va Gadi, ndava va tendiwa kokuavo, akuĩ akuãla kolohũlũkãi kovita vitãlo.

¹⁹ Omãla va Yuda: Ere la Onane. Ere la Onane va fila vofeka ya Kanana.

²⁰ Omãla va Yuda lapata avo: Sela, sekulu ya va Sela; Pereci, sekulu ya va Pereci; Sera, sekulu ya va Sera.

²¹ Omãla va Pereci vava: Hecirone, sekulu ya va Hecirone; Hamuli, sekulu ya va Hamuli.

²² A ovapata ava Yuda, ndava va tendiwa kokuavo, akuĩ epanduvali kolohũlũkãi kolohũlũkãi epandu kovita vitãlo.

²³ Omãla va Isakare lapata avo: Tola, sekulu ya va Tola; Puva, sekulu ya va Puva;

²⁴ Yasiuvu, sekulu ya va Yasiuvu; Simironi, sekulu ya va Simironi.

²⁵ A ovapata a va Isakare, ndava va tendiwa kokuavo, akuĩ epandu kolohũlũkãi kolohũlũkãi vikuãla lovita vitatu.

²⁶ Omãla va Sevulono lapata avo: Serede, sekulu ya va Serede; Eloni, sekulu ya va Eloni, Yahilele, sekulu ya va Yahilele.

²⁷ A ovapata a va Sevulono, ndava va tendiwa kokuavo, akuĩ epandu kolohũlũkãi kovita vitãlo.

²⁸ Omãla va Yosefe lapata avo: Manase la Efarimi.

²⁹ Omãla va Manese: Makiri, sekulu ya va Makiri; Makiri wa cita Gileada: Gileada, sekulu ya va Gileada.

³⁰ Ava omãla va Gileada: Iyesere, sekulu ya va Iyesere; Heleke, sekulu ya va Heleke;

³¹ Asiriyele, sekulu ya va Asiriyele; Sekeme, sekulu ya va Sekeme;

³² Semida, sekulu ya va Semida; Hefere, sekulu ya va Hefere.

³³ Puãi Celofehada, omõla a Hefere, ka kaile lomãla valume, te omãla vakãi. Olonduko viomãla va Celofehada vievi: Mahila, Noha, Hogila, Milika la Tirica.

³⁴ A ovapata a Manase. Vavo va tendiwa va tẽla akuĩ atãlo kolohũlũkãi kolohũlũkãi vivali lovita epanduvali.

³⁵ Ava omãla va Efarimi lapata avo: Siutela, sekulu ya va Siutela, Bekere, sekulu ya va Bekere; Tahana, sekulu ya va Tahana.

³⁶ Omãla va Siutela vava: Erana, sekulu ya va Erana.

³⁷ A ovapata omãla va Efarimi ndava va tendiwa kokuavo, akuĩ atatu kolohũlũkãi kolohũlũkãi vivali kovita vitãlo. Ava omãla va Yosefe ndovapata avo.

³⁸ Omãla va Benjamini lapata avo: Bela, sekulu ya va Bela; Asibele, sekulu ya va Asibele: Ahirama, sekulu ya va Ahirama;

³⁹ Sefufama, sekulu ya va Sefufama; Hufama, sekulu ya va Hufama.

⁴⁰ Omãla sekulu ya va Aride; Naamana, sekulu va va Naamana.

⁴¹ Ava omãla va Benjamini ndovapata avo; vavo va tendiwa va tẽla akuĩ akuãla kolohũlũkãi kolohũlũkãi vitãlo vitãlo lovita epandu.

⁴² Ava omãla va Dani lapata avo: Siuhama, sekulu ya va Siuhama. A ovapata a Dani ndovapata avo.

⁴³ Ovapata osi va Siuhama ndava va tendiwa kokuavo akuĩ epandu kolohũlũkãi kolohũlũkãi vikuãla lovita vikuãla.

⁴⁴ Omãla va Asiere lapata avo: Yimena, sekulu ya va Yimena; Yisivi, sekulu ya va Yisivi; Beriya, sekula ya va Beriya.

⁴⁵ Komãla va Beriya: Heveru, sekulu ya va Heveru; Malikiyele, sekulu ya va Malikiyele.

⁴⁶ Onduko yomõla Asiere ukãi, Sera.

⁴⁷ A apata omãla va Asiere ndava va tendiwa kokuavo, akuĩ atãlo kolohũlũkãi kolohũlũkãi vitatu lovita vikuãla.

⁴⁸ Omãla va Nafitali lapata avo: Yahiciyele, sekulu ya va yahiciyele; Guni sekulu ya va Guni;

⁴⁹ Yecere, sekulu ya va Yecere; Silemi, sekulu ya va Silemi.

⁵⁰ A ovapata a Nafitali ndovapata avo; vavo va tendiwa va tẽla akuĩ akuãla kolohũlũkãi kolohũlũkãi vitãlo lovita vikuãla.

⁵¹ Ava ovo va tendiwa komãla va Isareli, ovita epandu kolohũlũkãi kohũlũkãi lovita epanduvali lakuĩ atatu.

⁵² Yehova yu wa popia la Mose hati,

⁵³ Ava ofeka yi va tepelue ndomo mua soka olonduko viavo, ha yi lingi ocipiñalo cavo;

⁵⁴ kuava va lua o lovisa ocipiñalo cavo; kuava vatito, o tepulula ocipiñalo cavo. Ocipiñalo cavo vosi ceciwe ndeci va tendiwa.

⁵⁵ Haimo ofeka yi tepiwa loku imba ocela; ndolonduko viovapata olosekulu viavo va piñala.

⁵⁶ Ndeci ci popia ocela haico ovipiñalo viavo vi tepelue pokati kava valua lava vatito.

⁵⁷ Ava ovo va tendiwa kova Lewi kovapata avo: Gerisiono, sekulu ya va Gerisiono; Kohata, sekulu ya va Kohata; Merari, sekulu ya va Merari.

⁵⁸ A ovapata ava Lewi: epata lia va Hevirone, epata lia va Mahili, epata lia va Musi, epata lia va Kora. Kohata wa cita Amirama.

⁵⁹ Onduko yukãi wa Amirama, Yokevede, omõla a Lewi, Lewi wo citila ve Egito; Yokevede wa cita la Amirama Arone la Mose kuenda Miriama mukãi wavo.

⁶⁰ Arone yu wa cita Nadava la Avihu kuenda Eleasa la Itamare.

⁶¹ Puãi Nadava la Avihu va fa cina va nena ondalu yaño kovaso a Yehova.

⁶² Ava va tendiwa kokuavo akuĩ avali kolohũlũkãi kolohũlũkãi vitatu, omanu vosi valume vakuosãi kuenda kua supa. Momo ava ka va tendiwile pokati ka va Isareli, omo ka va ihĩwile ocipiñalo pokati ka va Isareli.

⁶³ Ava ovo va tendiwa la Mose kuenda ocitunda eleasa, ovo va tenda va Isareli kanyãla a Moavi, kekulo lia Yordão, oku imba ovaso ko Yeriko.

⁶⁴ Puãi pokati kavandeti lomue wa kalako wa tendiwa la Mose locitunda Arone eci va tenda va Isareli vekalasoko lia Sinai.

⁶⁵ Momo Yehova wa popia lavo, hati, Ocili va fila vekalasoko. Lomue wavo wa supapo, te Kalembe, omõla a yefune, la Yehosua, omõla a Nune.