रोमियों 9 - नुवो नेम (मेवड़ी नया नियम)

परमेसर अन वींका मनक

¹ मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

² के, मने घणो दुक हे अन मारा मन में घणी पिड़ा हे।

³ काँके, अस्यान वे सकतो के, मूँ यो छातो के, मूँ मारा यहूदी भई-बेन अन मारा देस का मनकाँ का वाते खुद पे हराप लेन ले मसीऊँ अलग वे जातो।

⁴ ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

⁵ बड़ाबा भी वाँकाऊँ सम्बधं राके हे अन मनक का रूप में मसी वाँका मेंईस जनम्याँ हा, ज्यो हाराई को परमेसर हे अन हमेस्यान धन्न हे। आमीन।

⁶ अस्यान ने के, परमेसर आपणाँ वादा ने पूरो ने किदा वे, काँके ज्यो इजराएल का बंस का हे, वीं हाराई परमेसर का मनक ने हे।

⁷ अन ने ईं अबराम का वंसज का वेबा की वजेऊँ वीं अबराम की ओलाद हे। पण जस्यान परमेसर अबरामऊँ क्यो हे के, “थाँरो बंस इसाकऊँ बड़ी।”

⁸ ईंको मतलब ओ हे के, परमेसर अबराम का पिड़ीऊँ देह का रूप में जनम्याँ मनकाँ ने आपणाँ मनक ने माने हे, पण परमेसर वाँने अबराम का बंस का माने, जीं परमेसर का वादा का जस्यान जनम्याँ हे।

⁹ वादो अस्यान किदो ग्यो हो के, “ते किदा तका टेम पे मूँ पाछो आऊँ अन सारा के बेटो वेई।”

¹⁰ योईस ने, पण जद्याँ रिबका भी आपणाँ बड़ाबा इसाकऊँ गरबवती वीं।

^11-12 जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

¹³ सास्तर में लिक्यो तको हे के, “में याकूबऊँ परेम राक्यो, पण एसावऊँ नपरत राकी।”

¹⁴ तो पछे आपाँ कई केवा? कई परमेसर न्याव ने करबावाळो हे? ने अस्यान कोयने।

¹⁵ काँके वणा मूसाऊँ क्यो हो, “में जिंपे करपा करबा की होचूँ, वींपे करपा करूँ। अन जिंपे भी बाळ करणो छावूँ, वींपे बाळ करूँ।”

¹⁶ तो आ बात ने तो किंकी मरजीऊँ वेवे अन नेई कई मेनत करबाऊँ, पण आ तो परमेसर की दया की बात हे।

¹⁷ काँके सास्तर में परमेसर फिरोनऊँ क्यो हो के, “में थने ईं वाते राजो बणायो हे के, मूँ मारी सगती थाँरा पे बता सकूँ। अन मारा नाम को परच्यार हारी धरती पे किदो जावे।”

¹⁸ केवाँ को मतलब ओ हे के, परमेसर जिंपे छावे वींपे दया करे हे अन जिंने छावे, वींने गाटो बणा देवे हे।

¹⁹ तो वे सके, थाँकामूँ कुई मने के सके के, तो पछे परमेसर माकाँ पे दोस काँ लगावे हे? कूण हे ज्यो परमेसर की मरजी को विरोद कर सके हे?

²⁰ हे मनक, थूँ कूण वेवे हे ज्यो परमेसर ने पलटन जवाब देवे? कई कुई हात की बणी तकी चीज वींके बणाबावाळा ने पूँछ सके हे, के, “थें मने अस्यान काँ बणाई?”

²¹ कई कुमार ने ओ हक ने हे के, वो गारा का एक लोदाऊँ एक ठामड़ो आदर का काम में आबा वाते अन दूजो बना आदर का काम में आबा वाते बणावे?

²² अस्यानीस जिंपे परमेसर आपणो गुस्सो अन तागत बताणी छावता हा, पण वणा गुस्सा का जोगा मनकाँ पे जी नास का आड़ी जारिया हा, वाँका पे खुब दया किदी।

²³ जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

²⁴ आपीं वीं मनक हा, ज्याँने परमेसर बलाया हे, खाली यहूदीईस ने, पण ज्यो यहूदी ने हा, वीं भी हे।

²⁵ जस्यान के होसे की किताब में लिक्यो हे के, “ज्यो मनक मारा ने हा वाँने मूँ खुद का मनक केऊँ। अन वाँ परजा ज्या लाडली ने ही वींने मूँ लाडली केऊँ।”

²⁶ अन, “जणी जगाँ में वाँका वाते क्यो हो, ‘थाँ मारा मनक ने हो।’ वटेईस वीं जीवता परमेसर की ओलाद केवाई।”

²⁷ अन परमेसर का आड़ीऊँ बोलबावाळो यसाया इजराएल का बारा में हेलो पाड़न केवे हे के, “इजराएल की ओलाद समन्द की रेत का जस्यान घणी ने जा सकी। तद्याँ भी वाँका मूँ थोड़ाक बंचाया जाई।

²⁸ काँके परबू धरती पे आपणाँ न्याव ने पुरी तरियाऊँ आगतोई पूरो करी।”

²⁹ अन जस्यान यसाया आगेवाणी किदी ही के, “यद्याँ जोरावर परबू आपणाँ वाते, वंसज ने छोड़ता तो आपाँ सदोम अन अरोमा का जस्यान पुरी तरियाऊँ नास वे जाता।”

इजराएल को अविस्वास

³⁰ तो पछे आपाँ कई केवाँ? माँ ईं नतीजा पे आया हा के, ज्यो यहूदी ने हा, वीं मनक धारमिकता की खोज में ने हा, वणा धारमिकता पा लिदी हे। वीं ज्यो विस्वास की वजेऊँ खरा ठेराया ग्या।

³¹ पण इजराएल का मनक नेमा पे चालणा छाता हा, ज्यो वाँने धरमी ठेराती, पण वीं वाँने पा ने सक्या।

³² अस्यान काँ ने वे सक्यो? काँके वीं ईंने विस्वासऊँ ने पण आपणाँ करमाऊँ पाणा छारिया हा, वीं वणी भाटाऊँ ठोकर खा ग्या, ज्यो ठोकर खवाड़तो हो।

³³ जस्यान सास्तर केवे हे के, “हुणो, में सिय्योन में एक भाटो मेल राक्यो हूँ, ज्यो ठोकर खवाड़े हे अन एक छाँट ज्यो पाप करावे हे। पण वो ज्यो वींमें विस्वास करी, वो कदी हरमा ने मरी।”