1 Korintos 8 - Ereyga Illaahey Axdiga Cusub

Cuntada sanamyada loo bixiyo

¹ Haddaba haddaan ka hadlo waxa ku saabsan cuntada sanamyada loo bixiyo, “Anaga oo dhan ayaa aqoon u leh.” Laakiin aqoontu wey na kibrisaa jaceylkuna wuxuu naga dhigaa kuwo dadka kale gargaar u noqda.

² Kuwa u maleeya iney wax badan garanayaan, waxey garanayaan ma aha sidii ey u maleeyaan.

³ Laakiin qof walboo Illaahey jecel isaga ayaa garanaya.

⁴ Haddaba haddii cunto sanamyada loo bixiyo, waan ognahay in, “Sanamyada aduunka yaala oo dhan eysan naf laheyn” iyo in “Hal Illaah oo kaliya uu jiro.”

⁵ Dadka qaarkood waxey yiraahdaan samada iyo dhulka illaahyo kale ayaa ka jira. Runtii waxaa jira illaahyo iyo sayidyo badan.

⁶ Laakiin anagu hal Illaah ayaan leenahay, Aabaha, kaasoo ey wax walba isaga ka yimaadeen oo aan anaguna u nool nahay. Ciise Masiixna waa Sayidkeena, kaasoo wax walba ey ka yimaadeen oo aan anaguna u nool nahay.

⁷ Laakiin qof walba ma garanayo aqoontan. Dadka badidoodu waxey waqti dheer soo caabudi jireen sanamyo, xitaa haddey cunaan cuntada sanamyada loo bixiyay waxey u maleeyaan iney cunayaan cunto quduus ah oo la siiyay illaaha nool ee xoogga leh. Laakiin damiirkooda daciifka ah ayaa nijaaseeyay.

⁸ Cuntada naguma soo dhaweyso Illaah, haddaan cuno iyo haddii kalaba waxba nagama dhimeyso.

⁹ Laakiin ka taxadara kuwa damiirka daciifka ah leh yeydaan dhib u geysanin, inkastoo aad leedihiin xaq aad wax walba ku cuntaan.

¹⁰ Waayo haddii uu qof damiirkiisu daciif yahay ku arko adigoo ku dhex cunaya macbadka sanamyada, adigoo weliba aqoon u leh waxyaalahan, qofkaas miyuusan cuneynin cuntadaas sanamyada loo bixiyay?

¹¹ Sidaa awgeed aqoontaada darteed walaalaheyga Masiixu u dhintay ayaa ku lumaya.

¹² Haddaad ku dembaabtid walaalkaaga damiirka daciifka ah leh, waxaad sidoo kale ku dembaabtay Masiixa.

¹³ Sidaa darteed haddii waxyaalaha aan cuno ey walaalaha dembi gelinayaan, weligey ma cuni doono hilib. Si aanan iyaga dembi u gelinin.