Amatiyu 1 - Ohwihwim Olehe

Ogu ba Eyesu

¹ Akpa he a wo akpa ba ogu ba moa a mbre Eyesu Ekristi. Aŋa a wo a ba ogu ba Adawuda ta la ogu ba Ebrahim angyiŋ.

² Ebrahim angyiŋ a wo adaŋ Eshaku. Eshaku angyiŋ a wo adaŋ Eyakubu. Eyakubu angyiŋ a wo adaŋ Eyahuda pa la moanáŋ Eyahuda.

³ Eyahuda angyiŋ a wo adaŋ Eperaza, ta la Ezera. Animo a ri Atama. Eperaza angyiŋ a wo adaŋ Ehezoro. Ehezoro angyiŋ a wo adaŋ Aram.

⁴ Aram angyiŋ a wo adaŋ Aminadab. Aminadab angyiŋ a wo adaŋ Enashoŋ. Enashoŋ angyiŋ a wo adaŋ Esalmon.

⁵ Esalmon angyiŋ a wo adaŋ Oboz. Anaŋ Oboz a ri Arahab. Oboz angyiŋ a wo adaŋ Obed. Anaŋ a ri Arawuta. Obed angyiŋ a wo adaŋ Ejese.

⁶ Ejese angyiŋ a wo adaŋ anyuŋ-areŋ moa a bzi ŋa ma Adawuda. Adawuda angyiŋ a wo adaŋ Osolomo. Anaŋ a wo ashe ba Oriya ayga.

⁷ Osolomo angyiŋ a wo adaŋ Erohobom. Erohobom angyiŋ a wo adaŋ Abija. Abija angyiŋ a wo adaŋ Asa.

⁸ Asa angyiŋ a wo adaŋ Ojohoshafat. Ojohoshafat angyiŋ a wo adaŋ Ojoram. Ojoram angyiŋ a wo adaŋ Oziya.

⁹ Oziya angyiŋ a wo adaŋ Ojotam. Ojotam angyiŋ a wo adaŋ Ahaza. Ahaza angyiŋ a wo adaŋ Ehezakiya.

¹⁰ Ehezakiya angyiŋ a wo adaŋ Amanase. Amanase angyiŋ a wo adaŋ Emoso. Emoso angyiŋ a wo adaŋ Ojosiya.

¹¹ Ojosiya angyiŋ a wo adaŋ Ejekoniya pa la moanáŋ. Omba he lo angyiŋ moa a vu moarehwĩ ba Esrayila awaghrẽ a shri a gre obiŋ ba Ababila.

¹² Ambla moa a vu moarehwĩ ba Esrayila awaghrẽ a shri a gre Ababila, Ejekoniya angyiŋ a wo adaŋ Eshetiyel. Eshetiyel angyiŋ a wo adaŋ Ezarubable.

¹³ Ezarubable angyiŋ a wo adaŋ Abiyu. Abiyu angyiŋ a wo adaŋ Eliyakim. Eliyakim angyiŋ a wo adaŋ Adzo.

¹⁴ Adzo angyiŋ a wo adaŋ Azadok. Azadok angyiŋ a wo adaŋ Akim. Akim angyiŋ a wo adaŋ Eliyu.

¹⁵ Eliyu angyiŋ a wo adaŋ Eliyaza. Eliyaza angyiŋ a wo adaŋ Amataŋ. Amataŋ angyiŋ a wo adaŋ Eyakubu.

¹⁶ Eyakubu angyiŋ a wo adaŋ Oyusufu. Aŋa angyiŋ a wo alom Emeri la a wo anaŋ Eyesu ba moa a bzi ŋa ma Emisiya.

¹⁷ Okyku eka he, egu moada pa la moanwye, e kŋe e bga pyeŋ nga e dzu egu okʼpoenyi, a zga Ebrahim a ba a tspi Adawuda. A zga Adawuda a yi omba ba moa a vu moare awa-ghrẽ a shri a gre Ababila, alo e kŋe e bga e dzu egu okʼpoenyi. A zga omba hi lo a yi omba ba moa a mbre Emisiya e kŋe e bga e dzu egu okʼpoenyi.

Moa a mbre Eyesu Ekristi

¹⁸ Ozhẽ ba moa a mbre Eyesu Ekristi. Oyusufu angyiŋ a wo la a kpo eshra ba Emeri anaŋ Eyesu. Omba ba moa a kyu eble a wo mbo, aŋa a ka a bmye ba Emeri a kpo onyi ekʼpo ba Ogbgaodzi.

¹⁹ Oyusufu alom Emeri, a wo arekyeŋ la a wo blibli angyiŋ mbo. Ambo aŋa a klo a ta Emeri anzi eyayi moare eka he mbo. Okyku eka he aŋa a zga esõ ba o kyu ŋa abgo shu.

²⁰ Omba baŋ a wo aga a la a tne eshri lo nga, anwyeadga ba Adigi-odne a ba okro baŋ onze, nga a nyuŋ ŋa a lu mi le, Oyusufu, aŋo ba ogu ba Adawuda, aŋo o fu eha ba o sko ashe boŋ Emeri mbo. Ogbgaodzi angyiŋ o shri onyi lo o daŋ.

²¹ Aŋa á mbre nga aŋo ó daŋ eshko ó daŋ á ri Eyesu, okyku eshi aŋa angyiŋ á ba a shla moarehwĩ baŋ abgo ba odlobi mo.

²² Ayakplo he lo pyeŋ a kpo okyku o bli ekployaŋ a mbo ba Adigi-odne a da moarehwĩ baŋ a hom otum a ba a lu.

²³ Moa a lu mi le, Anwyeshe lo, á kpo onyi nga á mbre anwyealom, nga moa á bzi ŋa ma Emanuwe. Alo o dzu, Ahogbrẽ a wo ka la gi.

²⁴ Ambla ba Oyusufu a kso enu nga, aŋa a kpo ekplo ba anwyeadga ba Ahogbrẽ lo a lu. Okyku eka he, aŋa a kyu eble ta la Emeri.

²⁵ Oyusufu a yi Emeri ku-ku ayga Emeri a mbre anwyealom lo mbo. Oyusufu nga a glo ŋa eshko a daŋ a ri Eyesu.