یعقوب 4 - کتاب مقدس به زبان گیلکی - گویش شرقیدنیا پرستی هشدار 1 چی باعث بنه شیمه میئن دعوا ببی؟ و چی باعث بنه شیمه میئن جنگ و جدال دکی؟ مگه شیمه هوا و هوس واسه نیه که شِمه وجود میئن جنگسه درین؟ 2 یچی حسرت دائنین، و وقتی اونه بدست نَئبِئنین، آدمَ کوشنین. طَمع کوئنین و او موقع که نتونین اونه بدست بارین جنگ و دعوا راه توئدئنین، شمه ندائنین، اینه واسه که درخواست نکوئنین! 3 هووختی هم که درخواست کوئنین، نگینین، چونکه بدِ نیّت أمره درخواست کوئنین تا شیمه هوا و هوسونِ واسه استفاده بکونین. 4 ای زناکارون، مگه نودوئنین دنیا أمره دوستی گودن خدا أمره دشمنی گودَن ایسّه؟ پس هرکس دنبال ای ببی که دنیا أمره دوستی بکونی، خودشِ خدا دوشمن بوده. 5 یا اینکه خیال کوئنین مقدس نویشته هَچی بوته: «خدا نسبت به او روحی که امی میئن هنه خیلی غیرت دئنه؟» 6 ولی خدا بیشتر فیض بخشنه، اینه واسه گونه: «خدا اوشونِ جلو که مغرورن، ایسنه، ولی فروتنؤنِ فیض بخشنه.» 7 پس شمه از خدا اطاعت بکونین. ابلیس جلو بَیسین، که شمه جی فرار کوئنه. 8 خدای نزدیکَ بین، اونم شمه نزدیکَ بنه. ای گناهکارؤن، شیمه دستونِ پکا کونین، و ای دو دیلؤن، شیمه دیلؤنِ پکا کونین. 9 به ونگ زئن دکّاین و گریه زاری بکونین. شمه خنده، ماتم بیی، و شمه شادی غورصه ببی. 10 خداوند جلو شمه فروتن بکونین، که او شمه سربلند کوئنه. 11 ای برارؤن، همدیگرَ بَدهِ نوگوین. هرکس یکته برار ضید بد بوگوی یا خوش برار داوری بکونی، شریعتَ ضید بد بوته و شریعتَ داوری بوده. ولی اگر تو شریعتِ داوری بکونی، تو شریعتِ داور بوبوی، نه او کسی که اونه به جا ابینه! 12 فقط یه نفر ایسه که شریعت هده و داور ایسه، او هونی ایسه که تینه نجات بدی و هلاکَ کونی. پس تو کی ایسّی که تی همسایهَ داوری کوئنی! فخر فردا واسه 13 الون شمه که گونین: «امروز یا فرده، ایی شهر یا او شهر شنیم و یکسال اوره ایسنیم و تیجارت مشغولَ بنیم و خیلی ام سود کوئنیم،» 14 شمه حتی نودوئنین فرده چی خوائنه ببون. شیمه زیندگی چیسّه؟ هیطو بوخاره مورسؤنه که اَنی زمون ظاهیرَ بنه و بازین از بین شنه. 15 پس باء ایطو بوگوین: « اگه خداوند بخوای، زینده موئنیم و ایطو و اوطو کوئنیم.» 16 ایجور که معلومه، شمه، شیمه غروره افتخار کوئنین. تمام ایجور افتخار گودنون بد ایسه. 17 پس هرکس بدونه که کو یکته کار درست ایسه و اونه انجوم ندی، ای، او آدمِ به گناه به حساب اَنه. |
@ 2024 Korpu Company