اعمالٚ رسولأن 18 - کتاب مقدس به زبان گیلکی - گویش شرقی

پولُس قُرِنْتُس میئن

¹ بعد ای، پولُس آتنَ ترک بوئده و قُرِنْتُس شهر بشو.

² اوره یکته یهودی مرداک امره که آكیلا ایسم داشت،و پونتوس منطقه شی بو آشنا بوبؤ. آکیلا خوشه زناک پْریسكیلا أمره تازه ایتالیا جی بمأبو، چون که كلودیوس امپراطور دستور بده بو که یهودی أن همته‌ روم جی بوشوئن. پولُس اوشون دِئنه به بوشو،

³ و اینه واسه که اونم ایشون مورسون سابقه خیمه دوزی داشت، اوشونه ورجه بِیسه و مشغول به كار بوبؤ.

⁴ پولس هرته مقدس شنبه عبادتگاه دیرون یهودی أن و یونانی أن أمره بحث گود و حقسعی گود تا اوشونِ قانع بکونی.

⁵ وقتی سیلاس و تیموتائوس مقدونیه جی بومئن، پولُس خوش تمام وقتِ خدا كلام به بنه بو ، یهودی أنِ گواهی دائ که مسیح موعود هو عیسی ایسه.

⁶ اما وختی یهودیون، پولس أمره مخالفت بودن و عیسی فحش بدئن، پولس او شهر گرد و خاکه ضد اوشون خوش رخته جی فلاکنه و اوشونه بوته: «شیمه خون شیمه گردنه! مو تقصیرکار نیم! بزین، غیریهودی أن ورجه شنَم.»

⁷ بازین عبادتگاهَ جی بیرون بوما و تیتوس یوستوس خانه بوشو که یکته خداپرست مرداک بو و عبادتگاه كنار خونه داشت.

⁸ كْریسپوس، عبادتگاه رئیس، تمام خوشه خونه آدمؤن أمره خداوندِ ایمؤن بأردن. هیطورم خیلی از قُرِنْتُس آدمون وختی ای پیغؤم بشتؤسَن، ایمؤن بأردن و غسل تعمید هیتن.

⁹ یکته شؤ خداوند رویا دیرون پولُس بوته: «واهیمه ندار! گب بزن و ساكت نَیس!

¹⁰ چونکه مو تی أمره ایسّم و هیچ كس تی طرف حمله نوکوئنه تا تَه آسیب برسؤنی، چون مو ایی شهر میئن خیلی آدم دئنم.»

¹¹ پس پولُس یك سال و نیم اوره بِیسه و خدا كلام اوشونه تعلیم دء.

¹² اما وقتی که گالیو، اَخائیه ولایت فرماندار بو، یهودی أن همدست بوبوئن، پولُس سر دکالسَن و اونه محکمه بئردن

¹³ اوشون بوتَن: «ایی آدم مردم قانع کوئنه که خدا، خلاف شریعت پرستش بکونَن.»

¹⁴ بزین وقتی پولُس خوأس گب بزنی، گالیو یهودی أنِ بوته: « ای یهودیون اگر جرم و جنایتی در كار ببی، دلیلی دأنم شیمه شكایت بشتوئَم.

¹⁵ ولی چونکه، ای مسئله، كلمه‌أن و ایسمؤن و شمه شریعتشی ایسه، پس خودتون اونه حل وفصل بکونین. نخوانَم ایجور چیزون باره داوری بكونم.»

¹⁶ پس اوشونِ محکمه ا جی بیرونَ گوده.

¹⁷ اوشؤنم همه‌ سوستِنیس سر که عبادتگاه رئیس بو حمله بودن و اونه محکمه جلو بزِئن. اما گالیو خوشه به ننَه.

پولُس اَنطاكیه وگردنه

¹⁸ پولُس بعدِ اینکه خیلی قُرِنْتُس میئن بیسَه، برأرؤن أمره خداحافظی بوده و دریا جی سوریه سو بشو. ایی سفر میئن، پْریسكیلا و آكیلام اونه أمره بوئن.پولس كِنخْریه دیرون خوشه سر بتأشته، چون ایطوری نذر بودِه بو.

¹⁹ وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن.

²⁰ هو موقع که اوشون پولُس جی بخواسّن انی بیشتر ایشؤنه أمره بَیسی، پولس قبول نؤده.

²¹ ولی وقتی ایشون أمره خدافظی کادبو بوته: «اگه خدا بخوای هنده شیمه ورجه وگردنم.» بازین کشتیِ سوارَ بو و افسوسَ جی بوشؤ.

²² هو وقت که قیصریه دیرون کشتی جی پیاده بوبو بشو کلیسا آدمون بینه و بزون انطاکیه سو راه دکته.

²³ أنی اوره بیسَه و هنده راهی سفر بوبو و سرتاسر غلاطیه و فریجیه منطقه أن گرس و همه شاگردونِ ایمون میئن تقویت گود.

آپولس افسُس دیرون جرأت أمره گب زی

²⁴ هو روزون یکته یهودی، که آپولس ایسم داشت و اسکندریه شی بو، اَفِسُس شهر بومه. او گب زیئن میئن اوستاد بو و مقدس بنویشته أن جی خیلی خوب دوئنست؛

²⁵ خداوندِ راه میئن تعلیم هیته بو و شورو شوق أمره گب زی و عیسی باره درست تعلیم داء، هرچند که فقط یحیی تعمیدَ جی خبر داشت.

²⁶ آپولُس جرعت أمره یهود عبادتگاه میئن گب زئنِ شروع بوده. ولی وختی پْریسکیلا و آکیلا، آپولُس گبونِ بشتوسن اونه یکته گوشه ببردن و خدا راهِ درست تر اونه باموتَن.

²⁷ وقتی آپولس تصمیم بیته بشی اَخائیه، برارون اونه تشویق بودَن و شاگردونِ به بنویشتن تا اونه بقایده پذیرایی بکونن. وختی آپولس اخائیه برسه، اوشونیِ که بواسطه فیض ایمون بارده بوئن، خیلی کمک بوده.

²⁸ چون همه کس چشم جلو، یهودی أنِ أمره گب زی و اوشونِ عقایدِ قوت أمره رد گود و مقدس بنویشته أن أمره ثابت گود که مسیح موعود هو عیسی ایسّه.