اوّل قرنتیان 8 - کتاب مقدس به زبان گیلکی - گویش شرقی

پیشکش غذا بتؤنِ به

¹ ایسه پیشکش غذا هدان بتون باره: دونیم که أمه همه ته دونا آدمیم. هی دونایی غرور ابئنه اما محبت ادمه بنا کوئنه.

² اگه یک نفر خیال کونه یچی دوئنه، حله او چئه که باید بودونه نودوئنه.

³ ولی اونی که خدا دوست دانه، خدا اونه شناسنه.

⁴ پس پیشکشی غذائان خوردن باره که بتون ئبه پیشکش بنن، دونیم که ای دنیا مئن بت هیچه ، و به جز یکته خدا ، خدای دیگر نیسه ،

⁵ هرچن ایسان اوشونی که آسمون و زمین میئن خدایون دوخونده بنن -هوطو که راس راسسه خدایون زیادی و خداوندون زیادی هننا.

⁶ با ای حال امه هچی یکته خدا دانیم ، یعنی اسمونی پئر که همه چی اون جی ایسه و امه اونه شی ایسیم ؛ و فقط یکته خداوند ایسه ، یعنی عیسی مسیح ، که همه چی به واسطه اونه و امه به واسطه او ایسایم .

⁷ هرچند که همه ای دوناییه ندئنن. ولی بعضیئن چونکه پیشتر بتون همرا خیلی سر و کار داشتن اگه هی الونم غذائانی بخورن که راس راسه بتون پیشکش بوبو، چونکی ایشون وجدون ضعیفه نجیسابنن

⁸ غذا امره به خدا نزدیکا نکونه ؛ نه نخوردن امره بدتر بنیم ، نه خوردن امره بهتر .

⁹ ولی مواظب ببین شیمه ای حق باعث و بانی ای نبی که ضعیف آدمون گراخورن .

¹⁰ چونکه اگه یه نفر که ضعیف وجدون دانه، تا اینه باره که دونایی دانی ، بینی که بت خونه میئن نیشتی و غذا خورده دری ، مگه اونم وسوسه نبنه او غذائانی که بتون ئبه پیشکش بنه بخوری ؟

¹¹ ای طوری ، تی دونایی او ضعیف آدم هلاکابون باعث بنه که مسیح اون واسی بمورده .

¹² پس وقتی ایتو شیمه برارونه ضید گناه کونین و اوشون ضعیف وجدونه صدمه زئنین ، مسیح ضید گناه کادرین .

¹³ هینه واسه ، اگه غذا می برار گراخوردن باعیث بنه، هرگیز گوشت نخونم، نبون که اون گراخوردن باعث بانی ببوم.