Psalm 99 - Edo Bible (E Baibol Ẹdo) Version 1996

Osanobua Ne Ọba Ne Ọ Sẹẹ Ehia

¹ Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

² E Nọyaẹnmwa kpọlọ vbe Zaiọn; rẹn ọ re ọ yo sẹ avbe uhunmwu ẹvbo hia.

³ Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

⁴ Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

⁵ Wa rho e Nọyaẹnmwa ne Osanobua mwa; wa ya uhunmwu rhanmwẹ otọ vbe odaro ẹkete ẹre ne ọ huanrẹn ọ re eni ẹnrẹn khin!

⁶ Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

⁷ Ọ keghi ke orre okuku gu iran guan, iran kegha ya uhi kevbe emwamwa, ne ọ viọ ye iran otọ ru emwi.

⁸ E Nọyaẹnmwa, Osanobua mwa, wẹ zẹ ẹmwẹ wanniẹn emwa ruẹn, wẹ rhie ma iran wẹ, Osanobua ne ọ yabọ ọ re uwẹ khin, a gha rhe miẹn wẹ u rri iran oya ye orukhọ iran.

⁹ Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.