Psalm 97 - Edo Bible (E Baibol Ẹdo) Version 1996

Osanobua Ne Ne Ọ Khaemwisẹ Ne Ọ Yo Sẹẹ Ehia

¹ E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

² Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

³ Erhẹn ke odaro ne ẹẹn, ọ keghi giẹẹn avbe eghian rẹn lẹga ẹre.

⁴ Ayan rẹn waan yan agbọn; agbọn miẹn ọẹn ọ kegha guọ.

⁵ Avbe oke ranraẹn zẹ vbe odan vbe odaro Nọyaẹnmwa ne ọ yan agbọn hia.

⁶ Ẹrinmwi na iyẹn ẹmwata ẹre avbe uhunmwu ẹvbo hia vbe miẹn uyi ẹre.

⁷ Ekhue mu dọmwadẹ ọghọe ne ọ gho ẹbọ, avbe ẹbọ hia ghughẹre vbe odaro Nọyaẹnmwa.

⁸ Ẹko sẹ ivbi e Zaiọn ọyẹnmwẹ, avbe ore nekhua ni rre Juda ghọghọe, ye ibuohiẹn ruẹn Nọyaẹnmwa.

⁹ E Nọyaẹnmwa ne Oghodua wẹ ọ re ọ khaemwisẹ yan agbọn na hia; wẹ kpọlọ sẹ avbe ẹbọ hia, ẹsẹsẹmwẹse.

¹⁰ E Nọyaẹnmwa ho ẹmwẹ iran ni khuiwu ọkhọ; ọ tan obọ gue ẹdagbọn emwa rẹn, ọ wọlọ iran hin obọ ẹtin ọmwa dan rre.

¹¹ Uwanmwẹ wan mu ọmwata, kevbe oghọghọ, yan ọmwa esi.

¹² Wa gha ghọghọ, wa ne ẹmwata hia; rhunmwuda iwinna ne Nọyaẹnmwa winnaẹn! Wa ye iwinna ne Osanobua ne ọ huanẹn winna ẹn rre, ne uwa vbe gha kpọnmwẹ ọẹn.