Psalm 85 - Edo Bible (E Baibol Ẹdo) Version 1996

Erhunmwu Umamwẹ Ẹvbo

¹ E Nọyaẹnmwa, u mobọ tohan emwa ruẹn, u gie agbọn dọlegbe ma Izrẹl.

² U ya orukhọ emwa ruẹn bọ iran u kevbe ye abakuru iran hia lekhue,

³ u dobọ ohu ne a mu ghe iran yi, u keghi vbe gbe ibiẹ rriẹ vbe ohu ruẹ nọkhua.

⁴ Viọ ima werriegbe rre Nọyaẹnmwa ọmiọnmwafan mwa ne u vbe dobọ ẹko nọ rhiae ruẹ ghe mwa yi.

⁵ Te u ra wa gha mu ohu ghe ima ẹdẹdẹmwẹdẹ ra? Ohu ruẹ i ra vbe fo ẹdẹ ra?

⁶ Dọlegbe ya ima wegbe ne emwa ruẹn gha vbe rho ruẹ.

⁷ Rhie aho ruẹ ne ẹ i beghe ma mwa Nọyaẹnmwa, ne u vbe rhie iyobọ imiẹnfan ruẹn ne ima.

⁸ I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

⁹ Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

¹⁰ Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

¹¹ A gie a mu ẹtin yan ọghe ọmwa nagbọn gha ke otọ ya sẹ odukhunmwu ẹmwata Osanobua ghi ke ẹrinmwi gbearoghe otọ.

¹² E Nọyaẹnmwa gha gie agbọn ma mwa otọe mwa gha vbe mọ ọmọ ẹsẹse.

¹³ Ẹmwata gha ke odaro ne Nọyaẹnmwa ọ gha ya dọlọ odẹ yi khẹ ọre.