Psalm 82 - Edo Bible (E Baibol Ẹdo) Version 1996

Osanobua Ne Ọ Khaemwisẹ Yan Ehia

¹ Osanobua miẹn agba dia vbe iko ẹrinmwi, vbe iko ne avbe ẹrinmwi do, rẹn ọ re ọ kha vbene irẹn tae yi hẹ:

² “Wa dobọ ohiẹn ai ta ẹmwata ne a bu yi, wa ghẹ ghi bu ohiẹn ikpanro ne avbe emwa dan!

³ Wa gha mu ẹzọ ivbiogue kevbe emọ ni i mwẹ erha gui, wa gha ru emwi ẹse ne ne ẹ i mwẹ kevbe ne ẹtin fo.

⁴ Wa gha fannọ iran ye otọ vbe obọ emwa dan.

⁵ “Wa ma rẹn emwi rhọkpa hiehiere! A miẹn vbe uwa kọn hẹ! Te uwa wa kẹkẹ ua, a vbe ho ohiẹn ẹmwata bẹkun nẹ vbe agbọn.

⁶ Mẹ khare wẹẹ, ‘Osanobua wa khin, ivbi ne ọ yo sẹẹ Ehia ọ re uwa hia khin.’

⁷ Sokpan, te uwa ra wulo zẹ vbe emwa kẹkan, te ufomwẹ ẹdagbọn uwa ra vbe gha yevbe, ọghe ivbi ọba ne ọ rhirhi a gha khin.”

⁸ Osanobua, larre, do rri ọba yan agbọn wẹ ọ re ọ yan uhunmwu ẹvbo hia.