Psalm 8 - Edo Bible (E Baibol Ẹdo) Version 1996

Uyi Ọghe Osanobua Kevbe Ekpẹn Ne Egbe Ọmwa

¹ E Nọyaẹnmwa, Nọyaẹnmwa, a bẹghe u kpọlọ mwẹ ruẹn vbe otọ agbọn hia. Urhomwẹ ruẹn vbe sẹ aro iso.

² Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

³ Mẹ gha ghe iso ne uwẹ yi, avbe uki kevbe orhọnmwẹ ne uwẹ viọ ye ihe iran.

⁴ Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

⁵ Sevba, wẹ yi ẹe ne a miẹn wẹ, wẹ ọkpa kẹkan ọre ọ sẹẹ ọre; wẹ keghi ye uyi kevbe ọghọ rhuẹ ọre ẹde.

⁶ U ya ẹe ru enọkhaemwisẹ yan emwi ne uwẹ yi hia, u kevbe tọn ẹn mu yan emwi ne a yi hia.

⁷ Avbe ohuan, avbe ẹmila kevbe avbe aranmwẹ oha hia ba ẹre.

⁸ Avbe ahianmwẹ kevbe avbe ehẹn kevbe emwi ne a yi ni rre uwu avbe okun.

⁹ E Nọyaẹnmwa, Nọyaẹnmwa, a bẹghe u kpọlọ mwẹ ruẹn la otọ agbọn hia.