Psalm 61 - Edo Bible (E Baibol Ẹdo) Version 1996

Erhunmwu A Degue Ọmwa

¹ Họn eve mwẹ Osanobua rhie ehọ ye erhunmwu mwẹ.

² Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

³ rhunmwuda, wẹ ọ re ọ degue mwẹ ọmwa ne ọ gu eghian gbinna mẹ.

⁴ Gun mwẹ gha rre owa ne ọ huanrẹn ruẹn, vbe ẹdagbọn mwẹ hia, gun mwẹ lẹfe ye ototọ ifuẹn ruẹn.

⁵ Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

⁶ Fian ukpo nibun ba ẹdagbọn ọba, gi ẹe wa gha tọ khian rhinrin.

⁷ Gi ẹe gha khaemwisẹ vbe Siria ruẹ ẹdẹdẹmwẹdẹ. Osanobua ya iho ruẹ ne ẹ i beghe, kevbe aguobọmwa ruẹn degue ẹre.

⁸ Erriọ I gha so ihuan urhomwẹ ghe ruẹ vbe I a gha viọ emwi ne I ve ye urhu guẹ ẹdẹgbegbe.