Psalm 47 - Edo Bible (E Baibol Ẹdo) Version 1996

Ne Ọ Khaemwisẹ Yan Ehia

¹ Wa hia ya oghọghọ kpe obọ wa ne emwa hia, wa kakabọ so ihuan ya rho e Nọyaẹnmwa.

² E Nọyaẹnmwa ne Ne ọ yo sẹẹ Ehia ọmwa ne a mu ohan rẹn nọ; ọba nọkhua ọ re nọ, ọmwa ne ọ khaemwisẹ yan otọ agbọn hia.

³ Ọ gie ima khọnmiotọ vbe uhunmwu avbe emwa nii: ọ ya ima gha khaemwisẹ yan avbe uhunmwu ẹvbo.

⁴ Rẹn ọ re ọ zẹ otọe ne ima ye ne ima, emwi ewe ne a ya hio ọghe emwa rẹn ne ọ hoẹmwọrẹn.

⁵ Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

⁶ Wa so ihuan urhomwẹ ghe Nọyaẹnmwa, wa so ihuan urhomwẹ ghe ọba mwa

⁷ Osanobua ọrọre ọba uhunmwu otọ agbọn hia wa so ihuan rho ẹre!

⁸ Osanobua miẹndia vbe ẹkete ẹre ne ọ huanrẹn, ọ khaemwisẹ yan agbọn ẹvbo hia.

⁹ Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.