Psalm 46 - Edo Bible (E Baibol Ẹdo) Version 1996

Osa Rrọ Yaba Mwa

¹ Osanobua ọrọre ugue kevbe ẹtin mwa, ọ mu egbe vbe ẹghẹ hia ne ọ ya ru iyobọ vbe ẹghẹ ukpokpo.

² rhunmwuda ọnii, agbọn gha rhe kpẹngiẹn ighe te avbe oke nekhua werriẹ ku uwu odin okun, ohan i ra mu mwa.

³ Ọ gha khọn okun ne ọ gha hu ne ọ vbe gha gbinna ne utuamwẹ ọnrẹn mu avbe oke rueghe.

⁴ Ẹzẹ ọkpa rrọ ne ọ rhie oghọghọ rri ẹvbo Osanobua, gha die owa ne ọ huanrẹn ọghe Ne ọ yo Sẹẹ Ehia.

⁵ Osanobua rre ẹvbo nii, a i vbe fuọn ruan ẹdẹdẹmwẹdẹ; ọ gha rre do yọre obọ vbe owiẹ vbirrivbirri.

⁶ Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

⁷ E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

⁸ Wa larre ne uwa do ghe, emwi ne Nọyaẹnmwa ru wa do ghe iwinna ọyunnuan ne ọ winnaẹn vbe uhunmwu otọ agbọn.

⁹ Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

¹⁰ Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

¹¹ E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.