Psalm 43 - Edo Bible (E Baibol Ẹdo) Version 1996

Erhunmwu Ọmwa Ne Ọ Rre Iwe (Psalm 42 ọre ọ ye khian)

¹ Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

² Wẹ ọ re ọ degue mwẹ, vbọzẹ ne u na he mwẹ ye otọ? Vbọzẹ ne I gha na gha rrioya vbe obọ ekhọe dan ọghe avbe eghian mwẹ?

³ Gie uwanmwẹ ruẹn, kevbe ẹmwata ruẹ, ne iran gha su mwẹ khian ne iran dọlegbe rhie mwẹ gha die Oke Zaiọn oke ne ọ huanrẹn ruẹn. Kevbe Ọgua Osa ruẹ ehe ne uwẹ dia.

⁴ Ẹghẹ nii, mẹ gha na gha rriẹ Ogiukpo ruẹ Osanobua wẹ ọrọre ẹzi oghọghọ mwẹ. I gha kpe akpata mwẹ I ghi vbe gha so ihuan urhomwẹ ghe ruẹ Osanobua, Osanobua mwẹ.

⁵ Vbọzẹ yi ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ Osanobua mwẹ.