Psalm 21 - Edo Bible (E Baibol Ẹdo) Version 1996

Urhomwẹ Ye Akhọnmiotọ

¹ Ẹko ọba rhiẹnrhiẹn, Nọyaẹnmwa, rhunmwuda, wẹ rhie ẹtin ne ẹẹn. Rẹn sẹ ọyẹnmwẹ, rhunmwuda, wẹ rhie akhọnmiotọ ne ẹẹn.

² U rhie emwi ne ekhọe ẹre ho ne ẹẹn nẹ, u rhie emwi ne ọ nọrẹn ne ẹẹn.

³ U rhie afiangbe nibun bu ẹre gha dee, u ke mu ẹde igoru rhuẹ ọre uhunmwu.

⁴ Ọ nọ arrọọ, u keghi rhie ne ẹẹn, arrọọ ne ọ tọ kevbe ne ọ kpẹe.

⁵ Uyi ẹre kpọlọ rhunmwuda iyobọ ruẹ, u rhie otiti kevbe oyọnyọn egie ne ẹẹn.

⁶ Afiangbe ruẹ gu ẹe rrọọ rhinrin ẹdẹ. Rẹn vuọn ne oghọghọ rhunmwuda wẹ gu ẹe rre evba.

⁷ Ọba mu ẹtin yan e Nọyaẹnmwa ne Udazi, kevbe rhunmwuda aho ẹmwẹ ọmwa ne ẹi beghe ọghe Nọyaẹnmwa. Ẹkun gha sẹ irẹn otọ vbe ẹghẹ hia.

⁸ Ọba gha khọn munọ avbe eghian rẹn hia. Rẹn gha khọn munọ, iran ni khuiwu ẹre hia.

⁹ Ọ gha fuẹn iran hia a zẹvbe okperhẹn, vbe irẹn a ladian. Nọyaẹnmwa gha fuẹn iran an vbe ohu ẹre, erhẹn gha giẹn iran an.

¹⁰ Ọkpa ne ọ gha miẹn uhunmwu vbe ivbi uniẹn iran i rrọọ. Ọba gha gbele iran hia a fẹẹrẹ.

¹¹ Iran si uma, iran keghi khuan khẹ ọre. Sokpan ẹi dunna ne iran.

¹² Ọ gha ya ifẹnmwẹ ọnrẹn filo iran. Ọ gha ya iran fi ọdelegbe, iran ghi lẹ.

¹³ Mẹ rho ruẹn Nọyaẹnmwa, rhunmwuda iwegbe ruẹ nọkhua. Ma gha so ihuan, ma ghi vbe gha rho ẹtin ruẹn vbe uyi.