Psalm 15 - Edo Bible (E Baibol Ẹdo) Version 1996

Emwi Ne Osanobua Ho

¹ Nọyaẹnmwa, de ọmwa ne ọ gha la uwu Ọgua Osa ruẹ? De ọmwa ne ọ gha ga, vbe Zaiọn ne oke ne ọ huanrẹn ruẹn?

² Ọmwa ne ọ họn ẹmwẹ ne Osanobua vbe emwi hia. Ne ọ ru emwi ne ọ gbae ẹghẹ hia. Ne ẹmwẹ unu ẹnrẹn re ẹmwata kevbe ne ọ sẹ otọ ẹko

³ ọmwa ne ẹi zan emwa ọvbehe. Ọmwa ne ẹi fidọn ghe avbe esiọre, ne ẹi vbe ta ewẹwẹwẹ ye emwa ẹdogbo ẹre egbe.

⁴ Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

⁵ Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.