Psalm 148 - Edo Bible (E Baibol Ẹdo) Version 1996

A Tie Otọe Agbọn Hia Ne Iran Rho Osanobua

¹ Wa rho e Nọyaẹnmwa! Wa rho e Nọyaẹnmwa ke ẹrinmwi rre, wa ni rre ehe ne ọ yo vbe odukhunmwu.

² Wa rho ẹre wa ne avbe odibosa, wa ne ivbiyokuo ẹrinmwi ẹnrẹn hia.

³ Wa rho ẹre, owẹn kevbe uki, wa rho ẹre, wa ne avbe orhọnmwẹ ni baa.

⁴ Wa rho ere, ẹrinmwi ne ọ yo sẹ, kevbe avbe amẹ, ni rre odukhunmwu iso.

⁵ Gie iran hia rho eni e Nọyaẹnmwa, rẹn gie uhunmwu, a keghi yi iran hia;

⁶ zẹ vbene ọ tae, a keghi rhie dọmwadẹ ọghọe ye ihe ẹre ọghe etẹbitẹ, iran i sẹtin fieghe uhunmwu.

⁷ Wa rho e Nọyaẹnmwa ke agbọn rre, avbe Ugbogiorinmwi amẹ kevbe orinmwi okun.

⁸ Ayan kevbe amẹ ne ọzeze, esia kevbe okuku amẹ, avbe okpẹhoho ni ru vbene ọ khare.

⁹ Wa rho ẹre avbe oke, kevbe oke ni yo, erhan ni mọ ọmọ kevbe ẹgbo.

¹⁰ Aranmwẹ hia, ne a rri kevbe ọghe oha, aranmwẹ ni i zọ eto kevbe ahianmwẹ.

¹¹ Wa rho ẹre, avbe ọba kevbe emwa kẹkan hia, avbe ivbi ọba kevbe irriegie ni dekẹe hia.

¹² Evbokhunvbi kevbe avbe adesusu, avbe ọmaẹn kevbe ibiẹka.

¹³ Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

¹⁴ Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!