Psalm 146 - Edo Bible (E Baibol Ẹdo) Version 1996

Urhomwẹ Osa Ne Ọmiọnmwafan

¹ Rho e Nọyaẹnmwa! Rho e Nọyaẹnmwa wẹ ekhọe mwẹ!

² Mẹ gha rho ruẹ vbe ẹghẹ ne I ya rre agbọn; I gha so ihuan ghe Osanobua mwẹ, vbe ẹdagbọn mwẹ hia.

³ Wa ghẹ mu ẹtin yan ekaolotu emwa nagbọn; ọmwa nagbọn i ra sẹtin miẹn ruẹn fan.

⁴ Iran gha wulo, iran ghi dọlegbe khian ekẹn, ẹdẹdẹmwẹdẹ, emwamwa ekhọe iran hia sẹ ufomwẹ.

⁵ Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

⁶ Ọmwa ne ọ yi ẹrinmwi, agbọn kevbe okun, kevbe emwi hia ni rre uwu iran. Ọ mu eyan rẹn sẹ vbe ẹghẹ hia,

⁷ ọ bu ohiẹn ne ọmwa ne a zẹ kpokpo, ọ ghi gha rhie evbare ne ọmwa ne ohanmwẹ gbe. E Nọyaẹnmwa fannọ avbe oleghan kua.

⁸ Ọ ghi vbe rhan avbe arhuaro aro. Ọ munọ iran ni dele kpaegbe; ọ ho ẹmwẹ emwa ẹmwata ọghọe.

⁹ Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

¹⁰ E Nọyaẹnmwa, ọba nọ ẹdẹdẹmwẹdẹ, e Zaiọn, Osanobua ruẹ gha rre asẹ ẹdẹdẹmwẹdẹ. Wa rho e Nọyaẹnmwa!