Psalm 137 - Edo Bible (E Baibol Ẹdo) Version 1996

Eve Ivbi Izrẹl Vbe Iwe

¹ Ọkpẹn ẹzẹ e Babilọn ọ re ima na tota; evba ọ re ima na viẹ, vbe ima ye Zaiọn rre.

² Ma viọ akpata ima rrọ, ye erhan ẹzẹ ni rre ọkpẹn ọnrẹn.

³ Iran ni viọ ima keghi wẹ ne ima so ihuan ma iran; iran wẹ ne ima ku ne iran ghe wẹẹ: “Wa so ihuan e Zaiọn ọkpa ma ima!”

⁴ Vbe ima ghi ra gu gha so ihuan ne Nọyaẹnmwa, vbe ẹvbo ẹrrẹe?

⁵ I i gha dọlegbe guara kpe akpata; a deghẹ I mianmian uwẹ, Jerusalẹm!

⁶ Ii gha dọlegbe guara so ihuan ọvbehe; a deghẹ I ma ye ruẹ rre; a deghẹ I ma rhie ruẹ ke odaro oghọghọ mwẹ hia!

⁷ Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

⁸ E Babilọn, te a ra guọghọ ua, afiangbe nọ ne ọmwa ne ọ gha ha ẹre ne uẹn, zẹ vbene uwẹ ru ghe mwa

⁹ ne ọ gha viọ ivbuẹ; ọ ghi salọ iran an vbe okuta.