Psalm 136 - Edo Bible (E Baibol Ẹdo) Version 1996

Ihuan Ekpọnmwẹ

¹ Wa rhie ekpọnmwẹ ne Nọyaẹnmwa, rhunmwuda, ọ maa, etẹbitẹ ọ re ahoẹmwọmwa rẹn khin.

² Wa rhie ekpọnmwẹ ne nọkpọlọ sẹ avbe ẹbọ hia, etẹbitẹ ọ re ahoẹmwọmwa rẹn khin.

³ Wa rhie ekpọnmwẹ ne ne ọ mwẹ ẹtin sẹẹ vbe uwu avbe eniyaẹnmwa, etẹbitẹ ọ re ahoẹmwọmwa rẹn khin.

⁴ Rẹn okpa ọre ọ winna iwinna ọyunnuan nekhua, etẹbitẹ ọ re ahoẹmwọmwa rẹn khin.

⁵ Ẹwaẹn rẹn ọ re ọ ya yi avbe ẹrinmwi, etẹbitẹ ọ re ahoẹmwọmwa rẹn khin.

⁶ Ọ bu agbọn na yan uhunmwu amẹ etẹbitẹ ọ re ahoẹmwọmwa rẹn khin.

⁷ Rẹn ọ re ọ yi uki kevbe owẹn, etẹbitẹ ọ re ahoẹmwọmwa rẹn khin.

⁸ Owẹn ne ọ khaemwisẹ yan avan, etẹbitẹ ọ re ahoẹmwọmwa rẹn khin.

⁹ Ne uki kevbe avbe orhọnmwẹ gha kha yan asọn, etẹbitẹ ọ re ahoẹmwọmwa rẹn khin.

¹⁰ Ọ gbele emọdiọn ọghe ivbi Igipt, etẹbitẹ ọ re ahoẹmwọmwa rẹn khin.

¹¹ Ọ hẹ ivbi Izrẹl ladian hin Igipt rre, etẹbitẹ ọ re ahoẹmwọmwa rẹn khin.

¹² Obọ ọre ne ọ wegbe kevbe ekuabọ ẹtin ẹnrẹn, etẹbitẹ ọ re ahoẹmwọmwa rẹn khin.

¹³ Ọ wannọ Okun Nọbaa; etẹbitẹ ọ re ahoẹmwọmwa rẹn khin.

¹⁴ Ọ keghi viọ emwa rẹn la ẹe gberra, etẹbitẹ ọ re ahoẹmwọmwa rẹn khin.

¹⁵ Sokpan ọ gie ẹzẹ gbele ọba Igipt kevbe ivbiyokuo ẹre etẹbitẹ ọ re ahoẹmwọmwa rẹn khin.

¹⁶ Ọ su emwa rẹn la ato gberra, etẹbitẹ ọ re ahoẹmwọmwa rẹn khin.

¹⁷ Ọ gbele avbe ọba ni mwẹ ẹtin, etẹbitẹ ọ re ahoẹmwọmwa rẹn khin.

¹⁸ Ọ gbele avbe ọba ni hinusi, etẹbitẹ ọ re ahoẹmwọmwa rẹn khin.

¹⁹ E Saihọn ne ọba ivbi Amọri; etẹbitẹ ọ re ahoẹmwọmwa rẹn khin.

²⁰ Kevbe Ọg ne ọba ivbi e Basian; etẹbitẹ ọ re ahoẹmwọmwa rẹn khin.

²¹ Ọ keghi mu otọ iran ne emwa irẹn etẹbitẹ ọ re ahoẹmwọmwa rẹn khin.

²² Ọ keghi viọ ne Izrẹl ne emwa irẹn, etẹbitẹ ọ re ahoẹmwọmwa rẹn khin.

²³ Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

²⁴ Ọ keghi fannọ mwa hin obọ eghian mwa rre etẹbitẹ ọ re ahoẹmwọmwa rẹn khin.

²⁵ Ọ rhie evbare ne emwi ne a yi ni rrọ hia; etẹbitẹ ọ re ahoẹmwọmwa rẹn khin.

²⁶ Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.