Psalm 129 - Edo Bible (E Baibol Ẹdo) Version 1996

Erhunmwu Ye Ẹmwẹ Avbe Eghian Izrẹl

¹ Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

² “Ke ẹghẹ ọvbokhan mwẹ gha dee ọ re avbe eghian mwẹ ke rhie obọ dan yọmwẹ otọ, sokpan, obọ iran ma gba mwẹ.

³ Iran fian mwẹ ẹwẹn ne ọ da vbe iyeke, iran keghi ru ẹe zevbe otọe ne a na gua.

⁴ Sokpan, e Nọyaẹnmwa ne ọmwa ẹmwata, fan mwẹ hin ọviẹn rre nẹ.”

⁵ Te obọ gha gba iran ni khuiwu e Zaiọn, ne a khulo iran werriegbe.

⁶ Te iran gha yevbe irunmwu ne ọ zọ ye ẹrhunrhun owa, ne ọ kaka kua ọ te wan.

⁷ Ai miẹn ne ọ kọlọ ebe ẹre, ra ne ọ gbalọ ẹre ikun gha rrie.

⁸ Ai miẹn ọmwa ne ọ gha la evba gberra, ne ọ khama rẹn wẹẹ, “Te Nọyaẹnmwa gha fiangbe uẹ! Ma fiangbe uẹ vbe eni e Nọyaẹnmwa.”