Psalm 128 - Edo Bible (E Baibol Ẹdo) Version 1996

Ere Ne Ọ Rre A Lele Uhi Ru Emwi

¹ Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

² Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

³ Amwẹ ọn gha ye vbe azara ne ọ mọ ọmọ vbe owa ruẹ, avbe ivbuẹ ghi ye vbe erhan oliv, lẹga eteburu ruẹ.

⁴ Erriọ zẹ ọ re a gha fiangbe ọmwa, ne ọ hẹnmwẹ ne Nọyaẹnmwa.

⁵ Te Nọyaẹnmwa gha fiangbe uẹ ke Zaiọn rre, te u gha miẹn umamwẹ Jerusalẹm vbe ẹdẹ agbọn ruẹn hia.

⁶ Te u gha tọ ne u miẹn avbe eyẹ ruẹ! Ọfumwegbe gu Izrẹl rrọọ.