Psalm 127 - Edo Bible (E Baibol Ẹdo) Version 1996

Ne a Ya Rho Umamwẹ Osanobua

¹ A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

² Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

³ E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

⁴ Emọ ne ọmwa mwẹ vbe ẹghẹ igbama te iran ye vbe ifẹnmwẹ vbe obọ ovbiyokuo.

⁵ Afiangbe nọ ne ọmwa, ne ọ mwẹ egbe ifẹnmwẹ vberriọ nibun; obọ i sẹtin ke ukhunmwu ne ẹẹn, vbe irẹn vbe eghian rẹn a viọ aro da egbe, vbe ehe ne a na bu ohiẹn.