Psalm 126 - Edo Bible (E Baibol Ẹdo) Version 1996

Erhunmwu Imiẹnfan

¹ Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

² U miẹn ogie ne ima giẹ u miẹn ihuan oghọghọ ne ima so. Ẹghẹ nii ọ re avbe uhunmwu ẹvbo nekpa na kha wẹẹ, “Nọyaẹnmwa ru emwi ne ọ kpọlọ ne iran.”

³ Vbe ẹmwata, ọ ru emwi ne ọ kpọlọ ne ima, u miẹn vbe ọyẹnmwẹ sẹ mwa yọ hẹ!

⁴ E Nọyaẹnmwa viọ ima werriegbe gha rrie otọe mwa, zẹ vbene amẹ ne ọ rhọ lẹ amẹ werriegbe ye avbe otọ ẹzẹ ni te ka!

⁵ Gie iran ni gha viẹ vbe ẹghẹ ne iran na gha kọ emwiokọ, ya oghọghọ rhọ emwiorhọ iran!

⁶ Iran ni gha viẹ vbe iran viọ emwiokọ khian, gha dọlegbe rre vbe ihuan oghọghọ ne a so, vbe iran a gha viọ emwiorhọ die owa.