Psalm 125 - Edo Bible (E Baibol Ẹdo) Version 1996

Ẹkun Ne Ọ Sẹ otọ Ọghe Emwa Osanobua

¹ Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

² Zẹ vbene oke lẹga Jerusalẹm, erriọ Nọyaẹnmwa lẹga emwa rẹn banbanna kevbe ẹdẹdẹmwẹdẹ.

³ Avbe emwa dan i ra wa gha khaemwisẹ, yan otọ emwa ẹmwata ẹdẹdẹmwẹdẹ; iran gha ru vberriọ, iran ne ẹmwata tobọ iran sẹtin ya ru emwi dan.

⁴ E Nọyaẹnmwa, ru ọmaa ne iran ni maa, iran ni ya iyi ruẹ ru emwi.

⁵ Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!