Psalm 124 - Edo Bible (E Baibol Ẹdo) Version 1996

Osanobua Ne Ọ Degue Emwa Irẹn

¹ Akpawẹ ẹ i re ne Osanobua na mudia ne ima? Izrẹl, kha vberriọ nian,

² “Akpawẹ ẹ i re ne Osanobua na mudia ne ima ẹkpo ne avbe eghian na dekun mwa,

³ te iran gha wa minọ ima kevbe ẹmwẹ ne unu re, vbe uwu ohu dan ne iran mu ghe mwa;

⁴ ẹkpo nii, orogho amẹ gha wa kpolo ima gha rrie, amẹ gha te ro gue ima ginna otọ.

⁵ Amẹ ne ọ lẹ ogbigbi gha wa gbele ima an.”

⁶ Wa gie ima kpọnmwẹ Nọyaẹnmwa ne ọma gie obọ avbe eghian gba mwa.

⁷ Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

⁸ Ehe ne Nọyaẹnmwa ye ọ re iyobọ mwa ke rre, rọẹn ọ re ọ yi ẹrinmwi kevbe agbọn.