Psalm 122 - Edo Bible (E Baibol Ẹdo) Version 1996

Ne Urhomwẹ Jerusalẹm

¹ Ẹko mwẹ rhiẹnrhiẹn, vbe iran tama mwẹ wẹẹ, “Wa gie ima gha rrie owa e Nọyaẹnmwa.”

² Banbanna nian, ma sẹ emwa na nẹ, ma mudia vbe onurho e Jerusalẹm.

³ Ẹvbo ne a dọlọ bọ ọ re ọghe ose, ye uviẹn kevbe ọfumwegbe ọ re Jerusalẹm khin.

⁴ Emwana ọ re avbe ẹwae hia dee, avbe ẹwae ivbi Izrẹl, ne iran do kpọnmwẹ e Nọyaẹnmwa zẹ vbene ọ yi ẹre iyi.

⁵ Emwana ọ re avbe ọba Izrẹl na tota, ne iran buohiẹn emwa iran.

⁶ Wa na erhunmwu ye ọfumwegbe Jerusalẹm: “Te agbọn gha ma iran ni ho ẹmwẹ ruẹn.

⁷ Te ọfumwegbe gha rre uwu odin ruẹn, kevbe ai mwẹ ẹbe vbe uwu ẹguae ruẹ.”

⁸ Rhunmwuda avbe etẹn mwẹ kevbe ọse mwẹ, mẹ tama Jerusalẹm wẹẹ, “Ọfumwegbe nọ nuẹn!”

⁹ Rhunmwuda owa ọghe Nọyan Osanobua mwa I na erhunmwu ye umamwẹ ruẹn.