Psalm 121 - Edo Bible (E Baibol Ẹdo) Version 1996

E Nọyaẹnmwa Ne Ọ Degue Mwa

¹ Me gha tọn aro mu ghe avbe oke nii. De ehe ne iyobọ mwẹ gha ke rre?

² Iyobọ mwẹ gha ke ehe ne Nọyaẹnmwa ye rre, ọmwa ne ọ yi ẹrinmwi kevbe agbọn.

³ Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

⁴ Ọmwa ne ọ rhie Izrẹl lẹre ẹ i vbiẹhunde, vberriọ ẹ i vbiẹ.

⁵ Nọyaẹnmwa gha gbe aro ghe ruẹ, ọ mudia ke uẹ ne ọ degue ruẹ.

⁶ Ovẹn i ra kuan ruẹn vbe avan, ra uki vbe asọn.

⁷ E Nọyaẹnmwa gha degue ruẹ hin ẹbe hia, ọ gha degue ruẹ hin ẹbe rre

⁸ ọ gha degue ruẹ vbe uwẹ a gha dee kevbe u a gha khian, banbanna kevbe ẹdẹdẹmwẹdẹ.