Psalm 12 - Edo Bible (E Baibol Ẹdo) Version 1996

Erhunmwu Iyobọ

¹ Nọyaẹnmwa, yi ima obọ. Ọmwa nọmaa rhọkpa i ghi rrọọ. A i ghi miẹn ọmwa ẹmwata.

² Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

³ Gbe eta ye iran unu aranmwẹ erẹrẹ. Gue iran unu ne iran ya rhuọ nii, ne iran na kha wẹẹ,

⁴ “Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

⁵ Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

⁶ Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

^7-8 emwa dan wa gba ehe hia, emwa hia wa vbe go wan avbe emwi dan. Degue ima vbe ne ai na mwẹ ẹbe Nọyaẹnmwa. Ne u vbe viọ ima lẹre, ne egbe emwa vberriọ.