Psalm 115 - Edo Bible (E Baibol Ẹdo) Version 1996

Osanobua Ọkpa Ọghe Ẹmwata

¹ Nọyaẹnmwa, wẹ okpa, awẹ, wẹ okpa kẹkan ọ re a gha rhie uyi na, ighẹ ẹ i re ima, rhunmwuda umamwẹ kevbe ahoẹmwọmwa ruẹn ne ẹ i beghe.

² Vbọzẹ ne avbe uhunmwu ẹvbo gha na gha nọ ima wẹẹ, “Osanobua rua vbọ?”

³ Osanobua mwa rre ẹrinmwi, ọ vbe ru emwi ne ọ rhirhi khọn rẹn.

⁴ Esiliva kevbe igoru ọ re a ya ru ẹbọ iran, emwi ne a ya obọ emwa nagbọn ru.

⁵ Iran mwẹ unu, sokpan, iran i sẹtin guan, iran mwẹ aro, sokpan, iran i sẹtin bẹghe.

⁶ Iran mwẹ ehọ, sokpan, iran i họn ẹmwẹ iran mwẹ ihue, sokpan iran i họn ẹwia.

⁷ Iran mwẹ obọ, sokpan iran i mu emwi. iran mwẹ owẹ sokpan iran i khian; iran i sẹtin ta ẹmwẹ rhọkpa.

⁸ Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

⁹ Wa ne ivbi Izrẹl wa mu ẹtin yan e Nọyaẹnmwa rọẹn ọ re ọ ye uwa obọ ne ọ vbe rhie uwa lẹre.

¹⁰ Wa ne avbe ohẹn Osanobua wa mu ẹtin yan e Nọyaẹnmwa. Rọẹn ọ re ọ ye uwa obọ, ne ọ vbe rhie uwa lẹre.

¹¹ Wa hia ni ga Nọyaẹnmwa, wa mu ẹtin yan e Nọyaẹnmwa, rọẹn ọre ọ ye uwa obọ, ne ọ vbe rhie uwa lẹre.

¹² E Nọyaẹnmwa ye ima rre, ọ gha fiangbe mwa; ọ gha fiangbe ivbi Izrẹl, kevbe avbe ohẹn Osanobua hia.

¹³ Ọ gha fiangbe iran hia ni ye ọghọ ne ẹẹn, ke ne ọ kpolo, kevbe ne ọ kanmwa.

¹⁴ Te Nọyaẹnmwa gha ye emọ ru uwa ẹse, wa kevbe avbe ivbi uniẹn uwa!

¹⁵ Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

¹⁶ E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

¹⁷ Avbe orinmwi i rho e Nọyaẹnmwa, ra iran hia ni tuorre lao otọe a hunwan hii.

¹⁸ Sokpan, ma na, ne emwa ni rre agbọn, ma gha rhie ekpọnmwẹ ne ẹẹn, nian kevbe ẹdẹdẹmwẹdẹ. Wa rho e Nọyaẹnmwa.