Psalm 114 - Edo Bible (E Baibol Ẹdo) Version 1996

Ihuan Emwiukpo Alagberra

¹ Ẹkpo ne ivbi Izrẹl na kpao vbe Igipt rre, ẹkpo ne ivbi uniẹn Jekọb na kpao vbe otọe ẹvbo ẹrrẹe ni rre,

² E Juda keghi khian emwa ni huanrẹn ọghe Nọyaẹnmwa, Izrẹl keghi khian emwi obọ ẹre.

³ Okun ne Nọbaa miẹn ọẹn, ọ keghi lẹfua, Ẹzẹ Jọdan keghi da obọ ulẹmwẹ yi.

⁴ Avbe oke nekhua kegha san zẹ vbe ẹwe avbe oke negiẹrẹ kegha vbọ vbe ivbi ohuan.

⁵ Vbọkhin yi, Okun ne u na lẹ fua? Kevbe uwẹ Jọdan, ne u na dobọ ulẹmwẹ yi?

⁶ Wa ne oke nekhua, ne uwa na san vbe ẹwe? Wa ne oke negiẹrẹ ne uwa na vbọlọ vbe ivbi ohuan?

⁷ Agbọn gha guọ vbe Nọyaẹnmwa a gha dee, vbe odaro e Nọyaẹnmwa ne Osanobua Jekọb.

⁸ Ọmwa ne ọ fi okuta werriẹ khian odighi amẹ, kevbe oke okuta ni wegbe khian ẹzẹ ni lẹẹ.