Psalm 110 - Edo Bible (E Baibol Ẹdo) Version 1996

E Nọyaẹnmwa Kevbe Ọba Ne Ọ Hannọ Zẹ

¹ E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

² E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

³ Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

⁴ E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

⁵ E Nọyaẹnmwa rre obọ erha ọmwa ruẹn, ohu gha mu irẹn, ọ gha khọn avbe ọba mu otọ.

⁶ Ọ gha bu ohiẹn avbe uhunmwu ẹvbo ọ ghi ya ikun orinmwi vuọn ehe ne a na khọn okuo; ọ gha khọn avbe ọba uhunmwu otọ agbọn hia miotọ.

⁷ Ọba gha balọ amẹ wọn vbe ẹzẹ ne ọ rre ọkpẹn odẹ orhiọn ghi la ẹre iwu ọ ghi ya khọn miotọ.