Psalm 11 - Edo Bible (E Baibol Ẹdo) Version 1996

A Mu Ẹtin Yan E Nọyaẹnmwa

¹ E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

² Rhunmwuda avbe emwa dan si uhanbọ iran tua nẹ, iran vbe niẹn ifẹnmwẹ iran nẹ. Ne iran fi ọmwata vbe uwu ebiebi.

³ Emwi hia gha kulo nẹ, emwi ọkpa ne ọmwata ghi ra miẹn ru i ghi rrọọ.”

⁴ E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

⁵ Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

⁶ Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

⁷ Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.