Psalm 1 - Edo Bible (E Baibol Ẹdo) Version 1996

EBE NE OKARO ( Psalm 1—41 ) Oghọghọ Ẹmwata

¹ Afiangbe nọ ne emwa ni ma rhie ude emwa dan, ni ma lele igiemwi emwa orukhọ, ra ne iran ya egbe ba emwa ni i ka Osanobua yọ.

² Sokpan, ẹko iran ghi gha rhiẹnrhiẹn ye Uhi e Nọyaẹnmwa ne a mu sẹ, iran ghi vbe gha ruẹ ọre, avan kevbe asọn.

³ Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

⁴ Sokpan, avbe emwa dan i ye rrio hiehiere, iran yevbe ebe ne ọ kakae ne ẹhoho hoho khian.

⁵ Osanobua gha bu abe gbe emwa orukhọ, ọ gha wannọ iran hin ẹbu emwa Osanobua rre.

⁶ E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.